اۋعانستان ۇلتتىق مايدانىنىڭ جەتەكشٸسٸ احماد ماسۋد Facebook پاراقشاسىندا قارسى تاراپتىڭ قاقتىعىستى رەتتەۋ بويىنشا كەلٸسسٶز جٷرگٸزۋ تۋرالى ۇسىنىسىن جىلى قارسى الدى. وسىعان دەيٸن "تاليبان" قوزعالىسى (قازاقستاندا بۇل ۇيىمعا تىيىم سالىنعان) پانجشەر پروۆينتسيياسىنىڭ ەكٸمشٸلٸك ورتالىعى بازاراك قالاسىنا باسىپ كٸرگەنٸن حابارلاعان.
"تۇراقتى بەيبٸتشٸلٸك ورناتۋ ماقساتىندا اۋعانستان ۇلتتىق مايدانى سوعىستى توقتاتۋعا دايار, ول ٷشٸن تاليبان دا پانجشەر مەن اندارابتاعى شابۋىلدارى مەن ەسكەري وپەراتسييالارىن دوعارۋى تيٸس" دەدٸ احماد ماسۋد. ونىڭ سٶزٸن Reuters اگەنتتٸگٸ كەلتٸرەدٸ.
اۋعان اقپارات قۇرالدارىنىڭ جازۋىنشا, بۇعان دەيٸن يسلام دٸنباسىلارىنىڭ كەڭەسٸ "تاليباندى" پانجشەردەگٸ قاقتىعىستى كەلٸسسٶز ارقىلى توقتاتۋعا شاقىرعان.
