Memleket basshysy Qasym-Jomart Toqaevtyń 11 qańtarda Parlament Májilisiniń otyrysynda jetekshi sheteldik joǵary oqý oryndarynyń kampýstaryn ashý týraly bergen tapsyrmasyn oryndaý maqsatynda búgin Premer-Ministrdiń orynbasary Eraly Toǵjanov bilim berý salasyndaǵy sheteldik investorlarmen kezdesý ótkizdi, dep habarlaidy primeminister.kz.
Kezdesýge múddeli memlekettik organdardyń ókilderi jáne AHQO basqarýshysy Q. Kelimbetov qatysty.
Britandyq jáne reseilik sheteldik tehnikalyq joǵary oqý oryndarynyń eki filialyn ashý múmkindigi qarastyryldy, olardyń biri AHQO alańynda ashylady.
Filialdarda oqytý kadrlar daiarlaýdyń basym baǵyttary boiynsha, sondai-aq el ekonomikasynyń qajettiligin eskere otyryp júzege asyrylady.
QR Premer-Ministriniń orynbasary E. Toǵjanov qazaqstandyq taraptyń bedeldi sheteldik ýniversitetterdiń filialdaryn ashýǵa qajetti kómek kórsetýge daiyn ekenin atap ótti.
Vitse-premer Bilim jáne ǵylym ministrligine sheteldik ýniversitetterdiń usynystaryn egjei-tegjeili zerdelei otyryp, áleýetti investorlarmen kelissózderdi jedeldetý jóninde naqty tapsyrmalar berdi.
Sondai-aq Avstriia men Túrkiia Respýblikasynyń investitsiialyq kompaniialarynyń ókilderimen densaýlyq saqtaý salasyndaǵy investitsiialyq jobalardy iske asyrý máseleleri boiynsha kezdesý ótkizildi.
Kelissózder barysynda kópbeiindi aýrýhana ashý, sondai-aq Qazaqstannyń densaýlyq saqtaý salasynda innovatsiialyq sheshimderdi qoldaný múmkindikteri qaraldy.
Kompaniialardyń usynystaryn Densaýlyq saqtaý ministrligi múddeli memlekettik organdarmen birlesip qaraidy.
