Jambyl oblysynyń Qordai aýdanynda qaza bolǵan 14 jastaǵy Qýanyshtyń týystary onyń ólimine deiin mektepte muǵalimmen túsinispeýshilik bolǵanyn aityp otyr, dep habarlaidy ult.kz.
Otbasynyń málimetinshe, oqiǵa 25 aqpanda Qarakemer aýylynda bolǵan. Algebra sabaǵynda oqýshy taqtadaǵy jazbany sýretke túsirmek bolǵan kezde kadrǵa muǵalim de baiqamai túsip qalǵan. Osydan keiin pedagog 200 myń teńge kóleminde aiyppul salynýy múmkin ekenin aityp, túsinikteme jazýdy jáne ákesin mektepke shaqyrtýdy talap etken.
Týystarynyń sózinshe, osydan keiin Qýanysh mektepten shyǵyp, úiine oralmaǵan. Keiin onyń denesi qoradan tabylǵan.
Qaiǵyly oqiǵadan jeti aidan astam ýaqyt ótken soń otbasy bul jaǵdaidy jariialap, oqýshynyń ólimine deiingi mán-jaidy tolyq ári obektivti tekserýdi surady.
Politsiia jasóspirimniń qaza bolý faktisi boiynsha qylmystyq is qozǵalǵanyn habarlady. Qazir tergeý júrip jatyr.
