Foto: aikyn.kz
Pavlodar oblysynyń soty Viktor men Danila Dolgaliovty 917 myń tonnadan astam titan-tsirkonii kenin zańsyz óndirdi dep aiypty dep tanydy. Bul týraly Informburo.kz-ke silteme jasap Ult.kz habarlaidy.
Memleketke keltirilgen zalal — shamamen 4 trillion teńge. Ken óndirý kelisimshart buzylǵannan keiin de baqylaýdaǵy qurylymdar arqyly jalǵasqan, al eksport Qytai men basqa elderge «kóleńkeli» shemalarmen júzege asyrylǵan.
Sot úkimi boiynsha:
Viktor Dolgaliov — 11 jylǵa bas bostandyǵynan aiyryldy;
Danila Dolgaliov — raqymshylyqty eskere otyryp, 4 jyl 9 aiǵa sottaldy;
Advokat pen deldal — para berýge itermeleý jáne alaiaqtyq úshin árqaisysy 10 jyl aldy.
Iste Taiynsha aýdanynyń ákimdigi men Indýstriia jáne infraqurylymdyq damý ministrligi jábirlenýshi retinde tanyldy. Olardyń 4 trillion teńgege berilgen talap-aryzy tolyq qanaǵattandyryldy.
Buǵan deiin is Soltústik Qazaqstan oblysynda alqa bilerdiń qatysýymen qaralǵan, alaida aqtaý úkimi apelliatsiia satysynda kúshin joiǵan edi.
