Áleýmettik jelilerde belgili aqyn, Qazaqstan Jazýshylar odaǵynyń basqarma tóraǵasynyń birinshi orynbasary Aqberen Elgezek "Abai oblysynyń ákimi boldy" degen aqparat tarady. Bul habarǵa qatysty qalamgerdiń ózi jaýap berdi, - dep habarlaidy "Ult aqparat".
"Telefonyma tynym bolmai ketti. Bárine jaýap berý múmkin emes. Aǵaiyn, bul - feik aqparat. Barshańyzdyń tilekterińizden ainaldym! Biz - jazýshy adambyz. Saiasatpen saiasatkerler ainalyssyn. Bizdiń murat - máńgilik qundylyqtar rýhaniiatqa, ádebietke qoldan kelgenshe qaltqysyz qyzmet etý", - dep jazdy ol Facebook-paraqshasynda.
