Belgili aqyn Aqberen Elgezek Qorǵanys jáne aeroǵarysh ministrliginiń baspasóz hatshysy bolyp taǵaiyndaldy.
"Qadirli aǵaiyn! Elordaǵa oraldyq. Qazaqstan Respýblikasynyń Qorǵanys jáne aeroǵarysh ónerkásibi Ministriniń baspasóz xatshysy laýazymyna taǵaiyndaldyq. Jýrnalist áriptesterime qoldan kelgen kómegimdi kórsetýge daiarmyn", - dep jazdy ol feisbýktegi paraqshasynda.
Buǵan deiin ol Ońtústik Qazaqstan oblysy ákimi apparaty basshysynyń orynbasary qyzmetin atqarǵan bolatyn.
Aqberen Elgezek 1980 jyly Almaty qalasynda týǵan, bilimi joǵary, mamandyǵy boiynsha biliktiligi – tarihshy, tarih pániniń oqytýshysy.
Eńbek jolyn 2002 jyly Almaty qalalyq ishki saiasat departamenti qoǵamdyq-saiasi bóliminiń bas mamany mamany bolyp bastaǵan. 2003-2015 jyldary «Qazaqstan Respýblikasynyń Ulttyq injenerlik akademiiasy» respýblikalyq qoǵamdyq birlestigi prezidentiniń keńesshisi, Almaty qalalyq aqparattyq-taldaý ortalyǵynyń direktory, Ál-Farabi atyndaǵy Qazaq ulttyq ýniversiteti jastar birlestikterimen jumys isteý bóliminiń bastyǵy, Dúniejúzi qazaqtary qaýymdastyǵynyń «Atajurt» baspa ortalyǵynyń bas redaktory, «Bóbek» ulttyq ǵylymi-praktikalyq bilim berý jáne saýyqtyrý ortalyǵy Adamnyń úilesimdi damýy institýtynyń direktory laýazymdaryn atqarǵan. 2016 jyly Ońtústik Qazaqstan oblysy ákimi apparaty qoǵamdyq monitoring bóliminiń bas mamany bolyp qyzmet etip, keiinnen OQO ákimi apparaty basshysynyń orynbasary qyzmetine taǵaiyndalǵan.
"Ult aqparat"
