Jiyn-toilarǵa baryp jatamyz ǵoi. Keide toi qyzyq ótedi, keide tilek aitý dástúri mezi qylyp, sylbyr ótip jatady.
Toi adamdy sharshatyp, shashyrańqy ótip jatqan kezde men toishyl halyqqa qarap otyryp, erkegine oisha ortaǵasyrlyq shapan men bórik, áielderge kimeshek, qyzdaryna burynǵy zamannyń búrmeli kóilegi men kamzol kigizip, shashyna sholpy taǵyp, burynǵy qazaqty elestetip, ózime ózim ermek taýyp otyram.
Sosyn osy kisiler pálen ǵasyrda ómir súrse, minezi qandai, ainalysar kásibi qandai bolar edi, taǵdyry qandai bolar edi dep oilap qoiam.
Shyndyǵynda uly tarihymyzdyń ár ǵasyrynda qazirgi zamanda ómir súrip jatqan ár qazaqtyń ózinen aýmaǵan egizi ómir súrýi múmkin ǵoi.
Sonyń biri sen múlde bilmeitin ózińniń ata-babań shyǵar, múmkin ol saǵan túk qatysy joq adam shyǵar, tipti ulty da salty da basqa bolýy yqtimal. Qalai bolǵanda da týra sen sekildi adamnyń jer betinde ómir súrýi bek múmkin.
Soǵan qaraǵanda, Táńirdiń laboratoriiasynda áýeli adamdardyń san túrli tipajdary josparlanǵan siiaqty. Shyndyǵynda ár ultta bir-birine uqsaityn adamdardyń tipajdary jetkilikti.
Jáne olar belgili bir minez-qulyqqa, ainalysatyn kásipke, tipti ómir súrý filosofiiasyna deiin sáikes kelip jatady.
Odan bólek ár adam qusqa uqsaidy. Kez kelgen adamnan aýmaityn qus túri bar. Demek qustyń tipajdar sany men adam túrleriniń sany shamamen birdei bolýy ǵajap emes.
Bir qyzyǵy dúniedegi tiri jannyń barlyǵynda eki kóz, eki qulaq, qos ókpe, bir bas, bir muryn jáne t.b. bar. Bul da bolsa, tirshilik ataýlynyń bir ǵana AVTORY baryn meńzeidi.
Adam belgili bir mýzykaǵa da uqsaityny bar. Keide bir án estiseń, sol án bir adamdy eske túsiredi. Múmkin ol mýzykanyń adam janyna uqsaitynynan bolar.
Tipti adamǵa tehnika uqsaityn siiaqty. Naqtyraq aitqanda avtokólik. Ol endi sol avtokóliktiń tabiǵatynda ony jobalaǵan adamnyń túri bolmasa da minez-qulqy, psihologiiasy biliner- bilinbes kórinedi.
Munyń bári fraktaldar teoriiasynyń shyndyqqa jaqyn ekenin kórsetedi. Iaǵni kishi bóliktiń ózi bólinip shyqqan úlken bólshekten (protobólshek) ainymaýy.
Máselen úlken tamshydan bólingen kishkentai tamshy prototamshydan ainymaidy: forma jaǵynan da tús jáne dám ereksheligi jaǵynan.
Adamda qýaný, muńaiý, saǵyný, oilaý siiaqty abstraktsiialyq qabiletter (bul jerde estý, kórý jáne t.b. sansyz ǵalamat múmkindikterin qospaǵanda) kimge uqsaǵan eken dep oilaisyń keide...
Aqberen Elgezek
