Almaty ákimi Baqytjan Saǵyntaev QR Táýelsizdigi kúni qarsańynda qalanyń damýyna úles qosqan almatylyqtarǵa memlekettik nagradalar tabystady, – dep habarlaidy «Ult aqparat».
«Memlekettik jáne qoǵam qairatkerlerin, bilim berý, densaýlyq saqtaý, energetika, qarjy, týrizm, biznes salasynyń bilikti mamandaryn, memlekettik qyzmetkerlerdi, azamattyq qoǵam ókilderin marapattaý men úshin úlken mártebe. Bul azamattardyń barlyǵy qalamyzdyń órkendeýine jan-jaqty úles qosyp keledi», - dedi Baqytjan Saǵyntaev.
Qala ákimi «Parasat» ordenin eńbek ardageri, «Ǵylym ordasy» memlekettik mekemesiniń ǵylymi qyzmetkeri Ǵainiken Bibatyrovaǵa, eńbek ardageri, Qazaq ASR halyq ártisi Laki Kesoglýǵa, Qazaqstan jazýshylar odaǵy basqarmasy tóraǵasynyń orynbasary Mereke Qulkenovke, eńbek ardageri, QR Tuńǵysh Prezidenti janyndaǵy Qazaqstan Strategiialyq zertteýler institýtynyń ǵylymi qyzmetkeri Klara Hafizovaǵa tabys etti.
«Qurmet» ordeni «Sentras Kapital» holding kompaniiasynyń direktorlar keńesiniń tóraǵasy Eldar Abdrazakovqa, Q.Sátpaev atyndaǵy Qazaq ulttyq tehnikalyq zertteý institýtynyń professory Zinesh Ábishevaǵa, «Miloserdie» qaiyrymdylyq qorynyń direktory, Qazaqstandaǵy balalar quqyǵy jónindegi ýákil Arýjan Sainǵa, rejisser Aqan Sataevqa, Almaty qalasynyń bas imamy Erkinbek Shoqaiǵa berildi. III dárejeli «Eńbek Dańqy» ordeni «Almatinskii zavod mostovyh konstrýktsii» № 3 tsehynyń armatýrshigi Vasilii Gorbýnǵa, «Almatyelektrotrans» JShS trolleibýs júrgizýshisi Alǵashbai Jarmedetovke, «Almatymetroqurylys» AQ taý departamentiniń qyzmetkeri Erejep Jaýkenovke, «Alataý Jaryk Kompaniiasy» AQ taratý jelileri basqarmasynyń bas sheberi Almas Omarovqa, «Metropoliten» KMK elektropoiyzynyń mashinisi Andrei Sekirkinge, «Almatyelektrotrans» JShS trolleibýs júrgizýshisi, eńbek ardageri Anatolii Cherenevke berildi.
Sonymen qatar, birqatar almatylyqtar «Eren eńbegi úshin» jáne «Shapaǵat» medaldarymen, «Qazaqstannyń eńbek sińirgen qairatkeri» qurmetti ataǵymen, QR Prezidentiniń alǵys hatymen marapattaldy. Qala ákimi bekitken «Eńbegi úshin» tósbelgisi Qazaqstan qazaqstan múgedekter odaǵynyń tóraǵasy Áli Amanbaev, №2 qalalyq perzenthananyń bosaný bóliminiń meńgerýshisi Gúlnar Kúrenova, Jetisý aýdany ardagerler keńesiniń tóraiymy Tamara Shákimovaǵa taǵyldy.
