Búgin Halyqaralyq «Qazaq tili» qoǵamynyń prezidenti, sanaly ǵumyryn ana tilin ardaqtaýǵa arnaǵan ǵulama ǵalym, akademik Ómirzaq Aitbaiuly ómirden ozdy.
Ómirzaq Aitbaev 1936 jyly 5 sáýir kúni qazirgi Túrkistan oblysy Otyrar aýdanynyń Baltakól aýylynda dúniege kelgen. Filologiia ǵylymynyń doktory, professor, Qazaqstan Respýblikasy Ǵylym akademiiasynyń korrespondent-múshesi, Qazaqstan Respýblikasynyń Áleýmettik ǵylymdar akademiiasynyń akademigi.
1959-1962 jyldary - «Sotsialistik Qazaqstan» gazetiniń ádebi qyzmetkeri. 1962-1999 jyldary - Qazaqstan Ǵylym akademiiasy Til bilimi institýtynyń kishi, aǵa ǵylymi qyzmetker, bólim meńgerýshisi, aǵa, bas ǵylymi qyzmetker. 1995-1996 jyldary - Qazaq memlekettik qyzdar pedagogikaq institýtynyń professory. 1997-1998 jyldary - Q.A.Iassaýi Halyqaralyq qazaq-túrik ýniversitetiniń professory. 1999 jyldan - «Qainar» ýniversitetiniń qazaq tili jáne ádebiet fakýltetiniń, filologiia fakýltetiniń dekany, Qazaqstan Respýblikasynyń Bilim jáne ǵylym ministrligi Til bilimi institýtynyń Terminologiialyq ortalyqtyń direktory qyzmetterin atqarǵan.
1989 jyldan «Qazaq tili» halyqaralyq qoǵamnyń vitse-prezidenti, 1996 jyldan birinshi prezidenti, 2004 jyldan prezidenti boldy.
«Qurmet», «Parasat» ordenderimen marapattalǵan.
