"Aq jol" partiiasynyń kezekten tys XV quryltaiynda birneshe delegat óz kandidatýrasyn usyndy. Búginde partiia atynan 6 adam prezidenttik sailaýǵa qatysýǵa nietti. Quryltai olardyń ishinen bir adamdy sailap alýy qajet, dep habarlaidy QazAqparat tilshisi.
Aita keteiik, 13 sáýirde «Aq jol» partiiasy Ortalyq keńesiniń plenýmy prezidenttik sailaýǵa úmitkerlerdi anyqtai almady. Buǵan deiin Óskemen qalalyq máslihatynyń depýtaty Qýat Rahymberdin, Taraz qalalyq máslihatynyń depýtaty Asan Qoshmambetov, Atyraý oblystyq filialynyń ókili Serik Erýbaev jáne SKO filialynyń tóraǵasy Evgenii Kintsel óz kandidatýralaryn joldaǵan bolatyn. Bertin kele, olarǵa QR Parlament Májilisiniń depýtaty Daniia Espaeva men Qazaqstan Qurylysshylar odaǵynyń tóraǵasy Talǵat Erǵaliev qosyldy.
Búgin barlyq úmitkerler ózderiniń beinebaiandaryn kórsetip, sailaýaldy ustanymdaryn jariialady. Sondai-aq, delegattardyń suraqtaryna jaýap berdi. «Aq jol» demokratiialyq partiiasynyń kezekten tys XV quryltaiy ashyq jáne qupiia daýys berý arqyly bir kandidatty anyqtaidy. Ol adam partiianyń atynan aldaǵy prezidenttik sailaýǵa qatysatyn bolady.
