«Aq jol» Demokratiialyq partiiasy daǵdarystan keiingi el damýynyń máselelerine arnalǵan Prezident Joldaýynyń negizgi qaǵidalaryn talqylady, dep habarlaidy "Ult aqparat" saiasi uiymnyń baspasóz qyzmetine silteme jasap.
Joldaýdy talqylaýǵa partiia tóraǵasy Azat Perýashev, Ortalyq keńes prezidýmynyń músheleri, Májilis depýtattary, «Aq jol» partiiasynyń belsendileri qatysty. Is-shara óńirlerdegi partiia filialdarymen beinekonferentsiia rejiminde ótti.
Azat Perýashev partiia múshelerine Joldaýdyń negizgi baǵyttary men Memleket basshysynyń úkimet pen memlekettik organdardyń aldyna qoiǵan tapsyrmalary týraly habarlady.
«Memleket basshysynyń Joldaýy mańyzdy bólimderden turady jáne belgilengen baǵyttardyń árqaisysy naqty tapsyrma túrinde berildi. Joldaý reformalyq sipatta qurylǵan» - dedi Azat Perýashev.
«Akjoldyqtar» biznesti qoldaý jónindegi kóptegen tapsyrmalardy, zardap shekken shaǵyn jáne orta biznes sektorlarynyń barlyq nesieleri boiynsha paiyzdyq mólsherlemelerdi sýbsidiialaý, agroónerkásiptik keshendi qoldaý, biznes ahýaldy jaqsartý jáne taǵy basqa máselelerdi atap ótti. Sonymen birge, talqylaý barysynda memlekettik basqarý salasyndaǵy Prezident tapsyrmalaryna, Strategiialyq josparlaý agenttigin, Reformalar jónindegi Joǵary Prezidenttik keńesti, Básekelestikti qorǵaý jáne damytý jónindegi agenttigin qurýǵa, memlekettik qyzmetkerlerdiń shtatyn qysqartý, jaýapty hatshylar institýtyn taratýǵa qoldaý bildirdi.
«Biznes partiiasynyń ókilderi retinde eldiń jańa ekonomikalyq baǵytynyń basty qaǵidalarynyń biri bolyp jeke kásipkerliktiń jetekshi róliniń atalǵanyn estip qýanyp qaldyq», – dep atap ótti partiianyń Qaraǵandy oblystyq filialynyń ókilderi.
Depýtat Berik Dúisembinov Joldaýda qoiylǵan máseleler kóp jaǵdaida «Aq jol» partiiasy kóterip kele jatqan jaitttarmen úndes ekenin aityp jáne partiianyń sailaýaldy jumysyn jalǵastyrýǵa shaqyrdy. Sondai-aq, Májilis depýtaty 2018 jyly «Aq jol» partiiasynyń fraktsiiasy bilik ókilderiniń qos azamattyǵy úshin qylmystyq jaýapkershilikti engizýdi týraly usynysy búgin Prezident tapsyrmalarynyń ishinde aitylǵanyn da eske saldy.
Fraktsiia depýtattary olar buryn kótergen ózge de máseleler Prezident Joldaýynda oryn alǵanyn, mysaly, 2017 jyldan beri sheneýnikterdiń shtatyn qysqartý, ákimder sailaýy týraly tapsyrmalar partiianyń baǵdarlamalyq mindetteriniń biri ekenin eske saldy.
Talqylaýǵa qatysýshylar Prezident Joldaýyn qoldap, «Aq jol» QDP parlamenttik fraktsiiasyna Joldaýdy iske asyrý úshin tapsyrmalardy belgiledi.
