AQSh-ta koronavirýstan 100 myń - 250 myń aralyǵynda adam kóz jumýy múmkin. Aq úidiń seisenbi kúni jariialaǵan baiandamasynda úkimet sarapshylary osyndai boljam aitady. Boljamda qoǵamdyq sharalarǵa tyiym salý, mektep men kompaniialardyń jabylýy siiaqty profilaktikalyq sharalar eskerilgen.
Tramp ákimshiligi osy kúnge deiin statistikalyq derek azdyǵyn alǵa tartyp, boljam jasaýdan bas tartyp kelgen edi. Mamandar AQSh-ta virýs juqtyrǵandar sany eleýli dárejede kóbeiedi dep boljaidy. 31 naýryzda keshke qarai AQSh-ta naýqastar sany 173 myńǵa jýyqtady. Epidemiia bastalǵan ýaqyttan beri 3433 adam qaitys bolǵan.
"Aldymyzda aýyr eki apta bar" dedi Tramp. Prezident jaqyn arada indettiń beti qaitatyn shyǵar dep úmit bildirdi.
Donald Tramp tótenshe jaǵdaidy taǵy bir aiǵa sozdy. Virýspen kúres boiynsha úilestirýshi Debora Briks jurtty onnan astam adamnan artyq top bolyp jinalmaýǵa shaqyrdy. Ashyq qalǵan meiramhana, barlarǵa barmaýǵa úndedi.
Aqparat quraldarynyń habarlaýynsha, Tramp ainalasynda amerikalyqtardyń maska taǵý qajettiligi týraly qyzý pikirtalas bolǵan. Mamandar ázirge saý adamǵa maska qajet joq dep aitady. Alaida aýrý belgisi joq adamdardyń da koronavirýs juqsa, basqa adamǵa virýs tasýy múmkin deidi.
