AQSh prezidenti Donald Tramp AQSh-tyń energetikalyq saiasatynyń "altyn dáýirin" bastaityn sharalar qabyldaitynyn jariialady. Tramp elde endi iadrolyq energetika salasy jańaryp, amerikalyq qýat kózderin eksporttaýǵa qoiylǵan shekteýler álsireitinin málimdedi.
Energetika ministrliginde sóilegen Donald Tramp AQSh búkil álemge qýat kózderin satatynyn jáne osy arqyly álemdik masshtabtaǵy "qýatyn kúsheitetinin" aitty. Syǵymdalǵan gaz Aziia naryqtaryna, kómir Ýkrainaǵa eksporttalyp, sheteldiń kómir jobalaryn nesielendirýge salynǵan shekteýler joiylmaq.
Tramp ákimshiligi AQSh-tyń ishki energetika salasyn damytýda atom elektr stantsiialarynyń (AES) tiimdiligin arttyrýǵa talpynbaq. AQSh-ta AES-te óndiriletin elektr qýaty elde óndiriletin jalpy elektr qýatynyń 20 paiyzyn quraidy.
Donald Tramptyń dástúrli qýat kózderin belsendi damytýǵa múddelilik tanytýy "klimatty saqtaýdy" qorǵaýshylardyń alańdaýshylyǵyn týdyryp otyr. AQSh prezidenti 1 maýsymda Vashingtonnyń klimat jónindegi Parij kelisiminen shyǵatynyn jariialaǵan. Shildeniń basynda ótetin "Úlken jiyrmalyq" elderiniń sammitinde basty nazar ǵalamdyq jylyný máselesine arnalady degen boljam bar.
Azattyq
