Aq qan dertinen emdelip júrgen júzý juldyzy Rikako Iki Tokiodaǵy Olimpiadalyq oiyndardyń 4x100 metrlik áielder keshendi júzý estafetasyna joldama aldy. Ol Japoniia ulttyq chempionatynda 100 metrge batterfliai ádisimen júzýde jeńiske jetti, dep habarlaidy Kyodo News agenttigi.
Aiki Tokyo Aquatics Center - júzý boiynsha olimpiada kesheninde 57,77 sekýndta máre syzyǵyn qiǵannan keiin qýanyshtan kózine jas aldy. Oǵan keshendi estafetadaǵy oryn úshin 57,92 sekýnd kerek edi, al 57,10 – 100 metrge batterfliai ádisimen júzý boiynsha osy jazda Japoniiada ótetin jarys úshin Japondyq júzý federatsiiasy talap etetin normativ.
«Men júzdikte jeńiske jetemin dep oilamadym. Bes jyl burynǵy biliktiligime qaraǵanda qazir ózime senimsiz edim, alys bolashaqta ǵana jeńe alamyn dep oiladym», - dedi Aiki.
«Biraq men jeńý úshin jattyqtym: jarysqa qatysyp jatqan kezde ózime «Men qaityp keldim» dep aittym».
Iki kóshbasshy Ai Somaǵa jetkenshe burylý kezinde ekinshi boldy, artynsha eń jyldam jartylai finalist Sýzýký Hasegavanadan 0,41 sekýndqa asyp, este qalarlyqtai jeńiske jetti.
