Foto: Backstreet Boys instagram paraqshasynan
Biyl 21 qyrkúiekte tanymal Backstreet Boys toby "Astana Arenada" kontsert beredi. Kontsertke toptyń barlyq múshesi qatysyp, hit ánderiniń barlyǵyn oryndaidy dep kútilýde. Bul týraly Ortalyq kommýnikatsiialar qyzmetinde ótken baspasóz otyrysynda uiymdastyrýshylar aitty, dep habarlaidy Ult.kz.
Tanymal top biyl Las-Vegastaǵy Sphere sahnasynda kontsert qoimaq eken. Oǵan kelýshilerge aq dress-kod talap etilipti. Astanada ótetin kontsertti uiymdastyrýshylar da kelýshiler aq kiim kiip kelse quba-qup dep otyr, biraq mindetteledi dep aitqan joq.
Kontsertke bilet satylymy 14 shilde saǵat 12:00-de ashylady. Tek Freedom Bank qosymshasynda 24 saǵattyq ekskliýzivti preseil 22% deiin qolma-qol aqshamen bolady! 15 shildede saǵat 12.00-den bastap satylymdar Ticketon.kz saitynda qol jetimdi bolady, bólip tóleýdige bolady, 10 tólem ádisi bar.
Bilet quny 40 myń teńgeden bastalyp, bir adamǵa 4 biletten artyq satyp alýǵa ruqsat etilmeidi.
Este bolsa Djennifer Lopestiń Astanada ótetin kontsertine bilet satylymy kezinde tehnikalyq aqaý bolǵan, Backstreet Boys kontsertine bilet satylym kezinde ondai aqaý bolmaidy dep ýáde berip otyr uiymdastyrýshylar.
"A sanattaǵy alǵashqy kontsert ivent júiesindegi stress-test boldy. Almatydaǵy kontsertte elektrondy bilettiń optsiiasy synaldy. Bilet satýda eshqandai másele týyndaǵan joq. Backstreet Boys kontsertinde de qandai da bir másele týyndaidy dep oilamaimyz", - dedi «ASTANA KONTsERT» kompaniiasynyń prodiýseri Málik Hasenov.
Uiymdastyrýshylardyń sózinshe Backstreet Boys kontsertine álemniń 40 elinen kórermen keledi. Jalpy biyl Elordaǵa 1,7 mln. týrist kútilip otyr eken.
Astanada 299 qonaq úi, onyń ishinde 9 – bes juldyzdy qonaq úi, sondai-aq 3-4 juldyzdy sanattaǵy 100-ge jýyq qonaq úi jumys isteidi. Ótken jyly Elordada 128 is-shara ótkizilse, biyl 201 is-shara josparlanǵan.
Osy rette Ult.kz tilshisi spikerlerge mańyzdy eki suraqty qoidy. Onyń biri kelýshilerdiń qaýipsizdigi qalai qamtylatyny týraly surap bilgen edi, «CA ENTERTAINMENT» halyqaralyq prodiýseri Symbat Nurbolqyzy qaýipsizdikti qamtamasyz etý maqsatynda uiymdastyrýshylar jeke kúzet kompaniialaryn tartyp, Ishki ister ministrligi men elordanyń Politsiia departamentimen birlesip jumys isteitinderin aitty.
"Biz buǵan deiin úlken kontsertter uiymdastyrý kezinde qaýipsizdik máselesin qamtamasyz etý boiynsha jumystar júrgizgenbiz. Mysaly Dimash Qudaibergenniń kontserti, Kóshpendiler oiyndarynyń ashylýynda jáne basqa da jekelegen sharalarda tájiribeden óttik. Iaǵni bul bizge kúzet kompaniialarymen, Ishki ister ministrligi, Politsiia departamentimen birge birinshi ret jasaǵaly otyrǵan jumys emes. Sondyqtan biz qaýipsizdikke kepildik bere alamyz", - dedi ol.
Al kontsert ótetin aimaq pen qala tazalyǵy jáne qoǵamdyq dárethanalardyń taza bolýyn qalai qamtamasyz etiletinin suraǵanymyzda uiymdastyrýshylar kontsertke kelýshilerdiń ushaqtan túskeninen bastap, keter ketkenshe tazalyq qamtamasyz etiletinin aityp, ýáde berdi.
"Kontsert kezinde klining úsh ese kúsheitiledi. Ár minýt saiyn ájethananyń jaǵdaiy tekserilip, tazalyq qamtamasyz etiledi. Ol jerde 25 myń adam kútilgendikten kósheler jabylady, kollaps bolmas úshin jeke avtotransportty turaqqa qoiýǵa tyiym salynady. Kelýshilerdi arnaiy avtobýstarmen tasymaldaýdy ákimdikpen birlesip qamtamasyz etip otyrmyz. Iaǵni ár mańyzdy másele boiynsha shtab jumys isteidi. Árine olqylyqtar bolýy múmkin, biraq biz ondai keleńsizdikterdiń aldyn alý boiynsha jumys istep jatyrmyz", - deidi «ASTANA KONTsERT» kompaniiasynyń prodiýseri Málik Hasenov.
Sondai-aq ol kontsert aldynda sharaǵa qatysý boiynsha keńester jazylǵan arnaiy paraqshany biletke qosyp beretinderin aitady.
