©️ instagram/airastana
Air Astana áýekompaniiasynyń Almaty-Oral reisindegi eki jolaýshysy tyrysqaq juqtyrǵan degen kúdikpen Oraldaǵy juqpaly aýrýlar aýrýhanasyna jatqyzyldy, - dep habarlaidy «Ult aqparat» Ýralskaia nedelia" basylymyna silteme jasap.
Ushaq Oralǵa 30 sáýirde saǵat 22:25-te qonǵan. Jolaýshylardyń aitýynsha, reis kezinde eki jolaýshy - er adam men áiel aýyryp qalǵan - dene qyzýy kóterilip, qusqan.
Ushaq jerge qonǵan soń sanitarlyq-epidemiologtar ushaqqa kirgen.
"Bizdi ushaqta eki saǵat ustady, sodan keiin barlyq jolaýshylar bosatyldy", - dedi aty-jónin jasyrýdy suraǵan áiel.
Oblystyq juqpaly aýrýlar aýrýhanasy oqiǵany rastady.
"Túnde Reseidiń eki azamaty jetkizildi. Anamnez, epidanamnez, klinikalyq tekserýden keiin tyrysqaq kúdigi joqqa shyǵaryldy. Ekeýiniń de jaǵdaiy qanaǵattanarlyq. Olar turǵylyqty jeri boiynsha Saratov oblysyna ketti", - dedi oblystyq juqpaly aýrýlar aýrýhanasynyń direktory Nadiia Ahmetova 1 mamyrda tańerteń.
