Ánshi ári aktrisa Aigúl Imanbaeva aýlasynan óz sýreti salynǵan qýyrshaq tapqanyn málimdedi. Ol bul týraly óziniń áleýmettik jelidegi paraqshasynda jariialady, dep habarlaidy ult.kz.
Beinejazbada qýyrshaqtyń ishine aktrisanyń fotosýreti salynǵany kórinedi. Aigúl Imanbaeva mundai jaǵdaidyń bir jyldan beri qaitalanyp kele jatqanyn aityp, muny ádeii istep júrgen adamdar bar ekenin meńzedi.
«Jaýdyń alystan kelmeitinin jaqsy bilemin. Mundai áreketterdiń kimnen ekenin júrek sezedi. Nege ózderińdi, bolashaq urpaqtaryńdy oilamaisyńdar?» – dep jazdy ol.
Aita keteiik, Aktrisa Aigúl Imanbaeva Aman Tasyǵanǵa bergen suhbatynda kafedegi áielder dárethanasynda belgisiz bireýler ózderin dýalap tastaǵanyn aitty. Onyń sózinshe, ulyn ekeýiniń sýretteri ineler, túireýishter, topyraq, qasyq, shash siiaqty zattarmen qorlanǵan. Ol osyndai 300 sýretti tapqan.
"Men búkil ǵimaratty basyma kóterip, aiǵailap jyladym. Ishimniń barlyǵy órtep bara jatqan siiaqty bolady. Tek aiǵaimen shyǵady. Bir kúni ana kisi jumyrtqany jardy. Birinshi oqydy ana kisi, sóitip shiki jumyrtqany jarǵanda bir ýys shash shyqty.
Eski dep aitaiyn desem, ony ózim satyp aldym. Ishinde aqýyzy men sarysy balǵyn, biraq shetinde shash tur. Jumyrtqaǵa inemen tesip kirgizdi deiin deseń, ol da múmkin emes. Maǵan sosyn: "Qoryqpańyz, eki aptadai aýzyńyzdan áli shash shyǵyp júredi" dedi. Mynadai shash alyp shyǵyp júrdim, biraq sonda da senbei júrdim. Oiladym, aýzyma shashym jabysyp, túsip júrgen shyǵar dep. Biz solai tazalandyq, qazir kózimiz ashyldy", - dep aǵynan jaryldy ánshi.
