Oqiǵa Almaty oblysy Kegen aýdanynda bolǵan. Qaza tapqan azamattyń jeke basy anyqtaldy, dep habarlaidy ult.kz.
Ol Almaty qalasy Áýezov aýdandyq politsiia basqarmasynda aǵa jedel ýákil qyzmetin atqarǵan. Aslan Álserov esimdi 37 jastaǵy qyzmetker.
Onyń denesi Kókpek – Kóktal – Kegen tasjolynan shamamen 400 metr qashyqtan tabylǵan. Muny politsiiaǵa mal izdep júrgen shopan habarlaǵan.
Máiit túgeldei janyp ketken. Al oń qolynan órtengen arqannyń qaldyqtary tabylǵan.
Tergeý dereginshe, qylmys politseidiń qaladaǵy páterinde jasalǵan bolýy múmkin. Keiin qylmystyń izin jasyrý úshin máiitti órtegen. Qazir marqumnyń jubaiy kúdikke ilindi. Ol da buryn politsiia qyzmetkeri bolǵan. Onyń iske qatysy bar-joǵy tekserilip jatyr. Al 14 jastaǵy uly kýáger dep tanyldy.
Is bastapqyda "Kisi óltirý" baby boiynsha tergelgen. Keiin aýyr qylmys quramyna qaita saralanǵan. Qazir tergeý júrip jatyr.
