Mádeniet jáne aqparat ministri Aida Balaeva BAQ ókilderin is-sharalarǵa tirkeýdiń jańa tártibine qatysty túsinikteme berdi.
"Jalpy atalǵan qujat jobasy qoldanystaǵy erejelermen salystyrǵanda asa kóp ózgermegen. Mysaly, akkreditteýden bas tartý negizderi týraly erejelerge toqtalsaq. Bul BAQ-tyń jumys isteýin ýaqytsha toqtatý nemese múldem jabý jáne resmi reestrde tirkelmegeni týraly sot sheshimi kúshine engen jaǵdaida iske asady", - dep jazdy Aida Balaeva Facebook paraqshasynda.
Odan ári ministr jýrnalistter arasynda eń kóp suraq týdyrǵan jańa erejeniń 10-tarmaǵyna, atap aitqanda BAQ ókilderi saqtaýy tiis talaptarǵa toqtaldy.
Birinshiden, kez kelgen jýrnalist qai BAQ atynan akkreditatsiiadan ótse, sol redaktsiiaǵa ǵana aqparatty jinap, jariialai alady. Alaida jýrnalistke birden birneshe BAQ atynan akkreditatsiia alýǵa eshkim tyiym salmaidy.
Ekinshiden, bul talap belgili bir oqiǵaǵa/is-sharaǵa qatysty jýrnalisterdiń jeke pikirleri men ustanymdaryn áleýmettik jelilerdegi jeke paraqshalaryna bildirýge qatysy joq.
Úshinshiden, reglament máselesine keletin bolsaq, qoldanystaǵy erejelerde qazirdiń ózinde is-sharaǵa qatysýshylardyń taqyrypty, ýaqyt tártibin, qoǵamdyq tártipti saqtaýyn júrgizýshi (iaǵni, is-shara moderatory) qamtamasyz etetini qarastyrylǵan.
AQSh pen Eýropalyq Odaqtyń jáne halyqaralyq uiymdardyń halyqaralyq tájiribesi kórsetkendei, belgilengen erejelerdi, sondai-aq zańnamany buzǵan jaǵdaida jýrnalist is-sharalarǵa qatysý quqyǵynan jáne akkreditatsiiadan aiyrylady. Mysaly, Eýroparlamenttegi BAQ qyzmetin retteitin erejede túsirilimge ruqsat etilgen arnaiy oryndar qatań túrde belgilengen.
Tórtinshiden, erejede árbir memlekettik organnyń nemese uiymnyń belgili bir is-sharanyń reglamentin ózi bekitetindigi kórsetilgen. Bul rette ministrlik ýákiletti organ retinde aqparatqa qoljetimdilik qaǵidattaryn jáne jýrnalisterdiń erekshe mártebesin saqtaý máseleleri boiynsha atalǵan reglamentti ázirleý boiynsha tiisti usynystaryn jiberetin bolady.
Besinshiden, erekshe mańyzdy memlekettik obektilerge kirý jáne sol mekemelerdegi rejimderdi ustaný da qoldanystaǵy zańnamany saqtaý men qaýipsizdiktiń ainymas bóligi.
"Qorytyndylai kele, aqparatqa qoljetimdilikti qamtamasyz etý men jýrnalisterdiń mártebesin arttyrý – árqashan ministrlik qyzmetiniń basty basymdyǵy ekenin taǵy da jetkizgim keledi", - deidi Aida Balaeva.
Aita ketsek, keshe jýrnalisterdi akkreditteý tártibiniń ózgeretini týraly habarlandy.
