QR Prezidentiniń kómekshisi — Prezident Ákimshiligi ótinishterdi qaraýdy baqylaý bóliminiń meńgerýshisi Aida Balaeva Prezident Ákimshiliginiń azamattardy qabyldaýy qalai jumys isteitinin aityp berdi, dep habarlaidy QazAqparat.
Prezident Ákimshiliginiń azamattardy qabyldaýy nemese front-keńsesiniń jumysy halyqpen keri bailanystyń mańyzdy quraly sanalady. Prezident kómekshisi front-keńse jumysy jaiynda aita kele 2019 jyldyń 5 aiynyń ishinde kóshpeli qabyldaýlardy qosa alǵanda azamattardy qabyldaýǵa 1 200-den astam adamnyń kelgendigin atap ótti. Al Nur-Sultan qalasyndaǵy qabyldaýǵa elimizdiń ártúrli óńirlerinen adamdar keledi jáne olardy árqaisysymen jeke jumys júrgizilip, túsindiriledi, keńes beriledi. Máselen, qabyldaýǵa Shymkent qalasynan kelgen bir top azamat jer telimderine tyiym salynýyna bailanysty máseleniń mán-jaiyn anyqtaýǵa nietti.
Ótinish berýshilerdiń dálelderin tyńǵylyqty tyńdai kele Prezident kómekshisi beiindi memlekettik organdar ókilderiniń qatysýymen kóterilip otyrǵan máselege qatysty jeke jiyn ótkizýge sheshim qabyldady.
Aida Balaevanyń aitýynsha, jedel jiyndar men jumys toptary kúrdeli máselelerdi tyńǵylyqty túsinýge ári olardy sheshýge qatysty is-qimyldardyń algoritmin aiqyndaýǵa múmkindik beredi. Jalpy, onyń aitýynsha, ótinish berýshiniń máselesin sheshýdiń esh múmkindigi bolmaityn da jaǵdailar kezdesip jatady.
«Bireýler Prezident Ákimshiligi kez kelgen máseledi dep oilap keledi. Máselen, azamattar ózderiniń baspana kezekteriniń jyljymai jatqandyǵyn aityp jii keledi jáne olar bbireýler kezekke zańsyz tur dep esepteidi. Bul oraida belgili bir kezekte turǵan azamattardyń sanatyn aiqyndaityn naqty erejeniń bar ekendigin túsingen jón. Soǵan orai barlyq páter kezekke sai beriledi. Azamat Prezident Ákimshiligine kelgeni úshin biz ózge adamdardyń quqyǵyn buzyp, ony kezekte ilgeri jyljyta almaimyz. Munyń barlyǵyn da azamattarǵa túsindiremiz. Mundai túsindirý jumystaryn jergilikti deńgeide de belsendi júrgizý mańyzdy. Degenmen, memleket maqsatty baǵdarlamalar arqyly jeńildikpen baspana satyp alýdyń túrli nuqsalaryn usynady», - dep atap ótti Aida Balaeva.
QR Prezidenti Ákimshiligi ótinishterdi qaraýdy baqylaý bóliminiń meńgerýshisi azamattardyń kelip túsetin eń kóp shaǵymdardyń biri sot sheshimderine qatysty ekendigin aitady.
«Azamattarǵa sot biligi – bul biliktiń táýelsiz tarmaǵy ekendigin aityp túsindirge týra keledi. Óitkeni, Prezident Ákimshiligi, tipti Memleket basshysy sot isine aralasa almaidy», - dedi ol.
Aida Balaeva ótinishtermen jumystaǵy jáne azamattardy qabyldaýdy uiymdastyrýdaǵy oń ózgerister ortalyq memlekettik jáne jergilikti atqarýshy organdar deńgeiinde oryn alǵandyǵyn atap ótti.
«Árbir jaǵdaida adamdar dáiekti jaýap alýy úshin memlekettik organdar jaýabynyń sapasyna monitoringileý boiynsha júieli jumys júrgizemiz. Sońǵy jarty jyldyń ishinde barlyq memlekettik jáne jáne jergilikti memlekettik organdardyń bul baǵyttaǵy óz jumystaryn jandandyrǵanyn kórip otyrmyz. Azamattardy qabyldaý barynsha sapaly júrgizilip, kóptegen júieli máseleler oń sheshimin taýyp jatyr», - dedi ol.
Munan bólek, Aida Balaeva memlekettik organdarǵa kelip túsetin ótinishterdi baǵdarlamaý júiesin ońtailandyrýǵa múmkindik beretin «E-ótinish» júiesin engizý aiasynda qyzmetterdi avtomattandyrý jaiynda aityp berdi.
«Jańa júie ótinishterdiń biryńǵai bazasyn qurýǵa múmkindik beredi. Bul memlekettik organdardyń barlyq jaýabyn oryndaýshy kórip otyrý úshin jasalady. Halyqpen keri bailanystyń elementi retinde halyqtyń alǵan jaýabyna baǵa berýi qorytyndysy boiynsha memlekettik organdardyń reitingin qurý usynylady», - dedi Prezident kómekshisi.
«E-ótinish» aqparattyq júiesiniń modýli ázirlenip, Nur-Sultan qalasy jaǵdaiynda 2020 jyldyń birinshi jartyjyldyǵynyń sońyna deiin aprobatsiiadan ótkiziledi.
«Barlyq deńgeide test tabysty ótken jaǵdaida ony búkil memlekettik organdarda integratsiialaýmen jumys isteitin bolamyz. 2021 jyldyń birinshi jartyjyldyǵyna deiin júie tolyqqandy iske qosylýy tis dep oilaimyn», - dedi Aida Balaeva.
