Jergilikti ideologtar memleketimizdiń basty basymdyqtaryn umytpai, beinerolikterdiń mazmunyna muqiiat qaraý kerek. Bul týraly Aqparat jáne qoǵamdyq damý ministri Aida Balaeva Facebook-paraqshasynda jazdy.
«Qazaqstan - zaiyrly memleket, sondyqtan Konstitýtsiia barlyq azamattarǵa birdei quqyq, olardyń ar-namysy men qadir-qasietin qurmetteýge kepildik beredi. Onyń ishinde biz áleýmettik jelilerdegi bireýdiń ar-namysyna tietin túrli jazbalar týraly aityp otyrmyz. Bul memlekettik áleýmettik tapsyrys aiasynda jasalǵan beinebaianǵa da qatysty. Jergilikti ideologtar memleketimizdiń basty basymdyqtaryn umytpai, beinerolikterdiń mazmunyna muqiiat qaraý kerek dep sanaimyn», - dedi ministr.
A.Balaeva atap ótkendei, ákimdikter janynan arnaiy jumys toptary qurylyp, olar memlekettik tapsyryspen jasalatyn ónimderdi buqaralyq aqparat quraldarynda jáne áleýmettik jelilerde jariialanbas buryn egjei-tegjeili taldap, iriktep alǵany durys.
