Búgin QR Aqparattyq jáne qoǵamdyq damý ministri Aida Balaeva Qazaqstan Respýblikasy Prezidentiniń ekonomikalyq damý jónindegi keńesshisi ser Sýma Chakrabartimen kezdesti, dep habarlaidy "Ult aqparat" atalǵan vedomstvonyń baspasóz qyzmetine silteme jasap.
Kezdesý barysynda taraptar ministrlik jetekshilik etetin salalardaǵy suraqtardy sóz etti.
Ministr aqparattyq saiasat, aqparatqa qol jetimdilik jáne úkimettik emes sektormen ózara is-qimyl salasyndaǵy memlekettik sharalar týraly aitty. Máselen, Aida Balaeva qoǵammen keri bailanysty odan ary jaqsartý maqsatynda Ministrliktiń strategiialyq sessiialary qazir elimizdiń barlyq aimaqtarynda ótip jatqanyn atap ótti.
Sýma Chakrabarti el ishindegi aqparattyq saiasatty júrgizýdegi erekshelikter men Qazaqstandy shetelde brendteý suraqtaryna qyzyǵýshylyq bildirdi.
Kezdesý sońynda Aida Balaeva men Sýma Chakrabarti birlesken jumystyń barlyq suraqtary boiynsha turaqty dialog júrgizip otyrýǵa kelisti.
