Sýret: gov.kz
Mádeniet jáne aqparat ministri Aida Balaeva mektepte hidjab kiiý máselesi tóńiregindegi shýǵa pikir bildirdi, dep habarlaidy "Ult aqparat".
"Qazir áleýmettik jelide mektepterde hidjab kiiý máselesine qatysty talqy toqtar emes. Osyǵan bailanysty, dini salaǵa jaýapty laýazymdy tulǵa retinde, óz tarapymnan túsinikteme berýdi jón kórip otyrmyn.
Ata zańymyzǵa sáikes, Qazaqstanda din memleketten bólingen. Sóz joq, memleket din bostandyǵyna kepildik beredi. Biraq biz - zaiyrly elmiz! Sol úshin de memlekettik saiasattyń barlyq máseleleri dini pátýalarmen emes, azamattyq normalarmen retteledi. Quqyqtyq-normativti aktiler árbir oqýshyǵa mektep qabyrǵasynda arnaiy bekitilgen forma kiiýdi mindetteidi. Óitkeni bilim berý ereksheligi biryńǵailyqty talap etedi.
Al Konstitýtsiiamyz boiynsha mekteptiń mindeti – el azamattaryna sapaly bilim berýge kepildik berý jáne ony qamtamasyz etý.
Sondyqtan da mektepte bala eń aldymen sapaly bilim alýy kerek. Sodan keiin baryp, erjete kele dini nanym-senimin, qandai kiim úlgisin kietinin ózi sheshedi dep oilaimyn" - dep jazdy ministr Facebook paraqshasynda.
Aita keteiik, buǵan deiin Qazaqstan musylmandary dini basqarmasy oqýshy qyzdardyń mektepke oramal taǵyp barýyna qatysty málimdeme jasaǵan edi.
