Aqparat jáne qoǵamdyq damý ministri Aida Balaeva Almatyda «Qorqyt ata» telehikaiasy shyǵarmashylyq tobynyń múshelerimen kezdesti, dep habarlaidy "Ult aqparat".
Eske sala keteiik, telehikaiany ázirleý jumystaryn bastaýǵa kelisimderge osy jyldyń sáýir aiynda ótken Túrkiiaǵa resmi sapar kezinde qol jetkizilgen bolatyn.
Ministr Balaeva telehikaianyń shyǵarashylyq tobymen kezdesýde:
«Qorqyt ata – túrki áleminiń eń uly tulǵalarynyń biri, barlyq túrki halqyna ortaq tulǵa, ortaq mura. Sondyqtan bul týyndy tek bizdiń kórermenderge ǵana emes, basqa da elderde úlken suranys ákeledi dep senemin. Túrkiia, Ázirbaijan, Ózbekstan elderin osy jobaǵa shaqyryp, áriptestik ornatý jóninde usynys jasadyq. Qazir tiisti kelissózder júrip jatyr», - dedi.
Almatyda ótken otyrysqa "Qazaqstan" teleradiokorporatsiiasynyń Basqarma tóraiymy Liazzat Tanysbai, etnograf-ǵalym, ónertanýshy Tynysbek Qońyratbaev, rejisser Dárejan Ómirbaev, ádebiettanýshy Áliia Bópejanova, T.Júrgenov atyndaǵy QazUÓA professory, kinotanýshy Gúljan Naýryzbekova, TMD Jýrnalister Konfederatsiiasy syilyǵynyń laýreaty, Qazaqstannyń eńbek sińirgen qairatkeri, teleradiokorporatsiia ardageri Qainar Oljai, ónertanýshy Saǵatbek Qaliev, stsenarist Bekzat Myrzahmet qatysty.
