Aqparat jáne qoǵamdyq damý salasyndaǵy qoǵamdyq keńestiń kezekti otyrysy ótti. Oǵan Keńestiń barlyq belsendi músheleri, sondai-aq úkimettik emes uiymdar ókilderi, vedomstvolyq baǵynysty uiymdar basshylary qatysty, dep habarlaidy QazAqparat.
Aqparat jáne qoǵamdyq damý salasyndaǵy qoǵamdyq keńestiń tóraǵasy Darhan Myńbaidyń tóraǵalyǵymen jáne Aqparat jáne qoǵamdyq damý ministri Aida Balaevanyń qatysýymen ótken otyrystyń kún tártibi «Ulttyq rýhani jańǵyrý» ulttyq jobasynyń, sondai-aq Qazaqstan Táýelsizdiginiń 30 jyldyǵyn merekeleý aiasyndaǵy is-sharalar josparynyń suraqtaryna arnaldy.
21 kórsetkish pen 66 iri is-sharany qamtityn «Ulttyq rýhani jańǵyrý» ulttyq jobasynyń negizgi úsh baǵytyn iske asyrý barysy týraly «Rýhani jańǵyrý» baǵdarlamasyn úilestirý departamentiniń direktory Ý.Tnaliev aityp berdi.
Óz kezeginde, Azamattyq qoǵam isteri komitetiniń tóraǵasy M. Qojahmet Qazaqstan Táýelsizdiginiń 30 jyldyǵyn merekeleýge josparlanǵan 101 is-sharanyń 75-i iske asyrylǵany týraly Qoǵamdyq keńes múshelerin habardar etti. «Qalǵan is-sharalar respýblikalyq josparǵa sáikes belgilengen merzimde jeltoqsan aiynyń sońyna deiin júzege asyrylady», - dedi M.Qojahmet.
Qoǵamdyq keńes músheleri ministr A.Balaevanyń 2022 jyly azamattyq qoǵam ókilderiniń qatysýymen qoǵamdyq keńesterdiń taqyryptyq aptalyǵyn ótkizý jónindegi ideiasyn qoldady.
Darhan Myńbai bul ideianyń ózektiligin atap ótti. Ol Aqparat jáne qoǵamdyq damý ministrligi Qoǵamdyq keńesterdiń qyzmeti jónindegi ýákiletti ortalyq memlekettik organ ekendigin atap ótti.
Aida Balaevanyń aitýynsha, bul shara azamattyq qoǵamnyń mańyzdy institýtynyń aldyn ala qorytyndylaryn shyǵarý úshin de, sondai-aq olardyń Qazaqstandaǵy qyzmetin odan ári jetildirý boiynsha tásilderdi ázirleý úshin de ózekti.
Aqparat jáne qoǵamdyq damý ministrliginen málim etkendei, jalpy, otyrys qorytyndysy boiynsha Qoǵamdyq keńes músheleri vedomstvonyń júrgizip otyrǵan jumysynda eskeriletin usynymdar ázirledi.
Qoǵamdyq keńestiń kezekti otyrysyn 2022 jyldyń I toqsanynda ótkizý josparlanǵan.
