Búgin Aqparat jáne qoǵamdyq damý ministri Aida Balaeva «Habar», «Habar 24», «Kazakh TV», «El arna» sekildi arnalardy biriktiretin otandyq iri mediaholdingti 25 jyldyq mereitoiymen quttyqtady, dep habarlaidy "Ult aqparat".
Búginde «Habar» - qalyptasqan damý strategiiasy, joǵary bilikti mamandary jáne qyzyqty tehnikalyq sheshimderi bar qazaqstandyq mediaindýstriia kóshbasshylarynyń biri. «Habar» qurylǵannan bastap-aq tez tanymal boldy jáne qazaqstandyq mediakeńistikte erekshe rólge ielenip, jetekshi telearnalardyń biri de biregeii brendin ielendi.
Ministr óziniń quttyqtaý sózinde «Habar» agenttigi shirek ǵasyr ishinde qazaqstandyq buqaralyq aqparat quraldary arasynda erekshe orynǵa ie bolyp, birqatar juldyzdardyń, ulttyq qairatkerlerdiń ustazy bolǵanyn atap ótti.
Sonymen qatar, óz sózinde ministr «Uiat bolmasyn», «77 kún», «Myń bir maqal», «Altybaqan», «HHI ǵasyr kóshbasshysy» sekildi arnanyń taǵylymy mol baǵdarlamalary milliondaǵan kórermen júreginen jyldar boiy oryn alǵanyn eske saldy.
«Habar Agenttigi» AQ qyzmetkerlerin mereitoimen quttyqtai kele, ministr «Habar» arnasy otandyq telearnalardyń kóptegen juldyzdaryna jol ashqany, memlekettik saiasatty nasihattaǵany, qoǵamdyq pikirdi qalyptastyryp, adamgershilikke baǵdar bergeni úshin úzdik ujymǵa alǵysyn bildirdi.
Quttyqtaý sońynda A.Balaeva «Habar Agenttigi» AQ komandasyna sarqylmas shabyt tiledi.
