QR Aqparat jáne qoǵamdyq damý ministri Aida Balaeva «Qazaqtelekom» AQ-nyń túbegeili jańa televiziialyq platforma qurý jónindegi jańa jobasyna baǵa berdi, dep habarlaidy QazAqparat.
«Jańa televiziialyq platformanyń ashylýy – otandyq media saladaǵy aitýly oqiǵa. Qoǵamǵa sapaly ári ashyq aqparat jetkizý – bizdiń qyzmet salasyndaǵy basty mindetterdiń biri. Sonyń ishinde ásirese, jańa tele-platformanyń memlekettik tilge basymdyq beretini kóńil qýantady. Sondai-aq, jańa bastama – otandyq media salasynyń básekege qabiletin odan ary arttyrýǵa úlken serpin beredi dep senemin», - dedi ministr «Qazaqtelekom» kompaniiasynyń «TV+» tuǵyrnamasyn tanystyrýǵa arnalǵan is-shara barysynda.
Bul oraida, Aida Balaeva osy jańa jobaǵa bastama kóterip, onyń iske asýyn qamtamasyz etip otyrǵan – «Samruq-Qazyna» Ál-aýqat qory men «Kazaqtelekom» kompaniiasyna alǵysyn bildirdi.
«TV+» jańa teleplatformasy otandyq media naryǵyn damytý katalizatorlarynyń biri ǵana bolyp qalmai, jas talantty avtorlardy elimizde jańa, barynsha sapaly kontent jasaý úshin únemi jumys isteýge yntalandyrady dep senemiz. Al olardyń kúsh-jigeriniń nátijesi men kórsetkishi joǵary kórermen reitingi bolsyn», - dedi ol.
Sonymen qatar ol Aqparat jáne qoǵamdyq damý ministrligi aldaǵy ýaqytta seriktestik jumysqa daiyn ekendigin atap ótti.
