Búgin Almaty qalasynda QR Aqparat jáne qoǵamdyq damý ministri Aida Balaeva Qazaqstandyq Media alianstyń basqarma tóraǵasy Armanjan Baitasovpen kezdesti, dep habarlaidy "Ult aqparat".
Kezdesý barysynda QR Aqparat jáne qoǵamdyq damý ministrligi men Qazaqstandyq Media alians arasynda ózara túsinistik pen yntymaqtastyq týraly memorandýmǵa qol qoidy.
Aida Balaeva pandemiia kezeńinde kommertsiialyq BAQ-ty qoldaý úshin ministrlik qabyldaǵan sharalar, aqparat salasyndaǵy zańnamany jetildirý, otandyq BAQ-tyń básekege qabilettiligin jáne adami kapitaldyń sapasyn arttyrý boiynsha josparlar týraly aitty.
Eki jaq salanyń ózekti máseleleri, sonyń ishinde otandyq buqaralyq aqparat quraldaryn damytý, jýrnalisterdiń daiyndyq deńgeiin arttyrý, sondai-aq olardyń quqyqtary men bostandyqtaryn qorǵaýdy qamtamasyz etý qajettiligi týraly pikir almasty.
Memorandým sheńberinde taraptar yntymaqtastyǵynyń negizgi baǵyttary aiqyndaldy: aqparat salasyndaǵy zańnamany jetildirý boiynsha usynystardy birlesip talqylaý; media salasy mamandaryn daiarlaý, qaita daiarlaý, sondai-aq olardyń biliktiligin arttyrý máseleleri; jýrnalisterdiń quqyqtary men bostandyqtaryn qorǵaýǵa járdemdesý.
Atap ótilgendei, memorandým salanyń ózekti máselelerin sheshýde úkimettik emes sektordyń rólin arttyrýǵa múmkindik beredi.
