QR Prezidentiniń kómekshisi — QR Prezidenti Ákimshiliginiń Ótinishterdi qaraýdy baqylaý bóliminiń meńgerýshisi Aida Balaeva elordadaǵy densaýlyq saqtaý júiesindegi problemalardy atady, dep habarlaidy QazAqparat.
«Turǵyndar emhanalardaǵy uzyn-sonar kezekke shaǵymdanyp keledi. Sonymen qatar, tirkeýge turý baǵytynda, meditsinalyq statsionarlarǵa kvotalar alýǵa turǵysynda problemalar bar», - dedi ol elordany odan ary damytý máseleleri jónindegi májiliste.
Bul fakti onlain qosymsha sekildi zamanaýi tetikter shuǵyl máselelerdi tiimdi sheshýge yqpal etpei turǵanyn kórsetedi.
«Osyndai resýrstardyń jumysyna baqylaý tetikterin jetildirý kerek, bul sharalar naqty nátijege negizdelýi tiis, iaǵni azamattar suranysyn qanaǵattandyrýy kerek», - dep atap ótti Aida Balaeva.
Sonymen qatar ol jurtshylyq baratyn jerlerde múmkindigi shekteýli jandar úshin tolyqqandy qolaily jaǵdaidyń joqtyǵyn atap ótti. Mundai qoǵamdyq oryndarda múmkindigi shekteýli adamdarǵa qajetti jabdyqtardy ornatýda nemqurailylyq oryn alýda.
Budan buryn habarlanǵandai, atalǵan jiyn barysynda Memleket basshysy Qasym-Jomart Toqaev elordadaǵy Ortalyq temirjol aýrýhanasynyń apattyq jaǵdaiy problemasyn kóterdi.
