قر پرەزيدەنتiنiڭ كٶمەكشiسi — قر پرەزيدەنتi ەكiمشiلiگiنiڭ ٶتiنiشتەردi قاراۋدى باقىلاۋ بٶلiمiنiڭ مەڭگەرۋشiسi ايدا بالاەۆا ەلورداداعى دەنساۋلىق ساقتاۋ جٷيەسٸندەگٸ پروبلەمالاردى اتادى, دەپ حابارلايدى قازاقپارات.
«تۇرعىندار ەمحانالارداعى ۇزىن-سونار كەزەككە شاعىمدانىپ كەلەدٸ. سونىمەن قاتار, تٸركەۋگە تۇرۋ باعىتىندا, مەديتسينالىق ستاتسيونارلارعا كۆوتالار الۋعا تۇرعىسىندا پروبلەمالار بار», - دەدٸ ول ەلوردانى ودان ارى دامىتۋ مەسەلەلەرٸ جٶنٸندەگٸ مەجٸلٸستە.
بۇل فاكتٸ ونلاين قوسىمشا سەكٸلدٸ زاماناۋي تەتٸكتەر شۇعىل مەسەلەلەردٸ تيٸمدٸ شەشۋگە ىقپال ەتپەي تۇرعانىن كٶرسەتەدٸ.
«وسىنداي رەسۋرستاردىڭ جۇمىسىنا باقىلاۋ تەتٸكتەرٸن جەتٸلدٸرۋ كەرەك, بۇل شارالار ناقتى نەتيجەگە نەگٸزدەلۋٸ تيٸس, ياعني ازاماتتار سۇرانىسىن قاناعاتتاندىرۋى كەرەك», - دەپ اتاپ ٶتتٸ ايدا بالاەۆا.
سونىمەن قاتار ول جۇرتشىلىق باراتىن جەرلەردە مٷمكٸندٸگٸ شەكتەۋلٸ جاندار ٷشٸن تولىققاندى قولايلى جاعدايدىڭ جوقتىعىن اتاپ ٶتتٸ. مۇنداي قوعامدىق ورىنداردا مٷمكٸندٸگٸ شەكتەۋلٸ ادامدارعا قاجەتتٸ جابدىقتاردى ورناتۋدا نەمقۇرايلىلىق ورىن الۋدا.
بۇدان بۇرىن حابارلانعانداي, اتالعان جيىن بارىسىندا مەملەكەت باسشىسى قاسىم-جومارت توقاەۆ ەلورداداعى ورتالىق تەمٸرجول اۋرۋحاناسىنىڭ اپاتتىق جاعدايى پروبلەماسىن كٶتەردٸ.
