Mádeniet jáne aqparat ministri Aida Balaeva biýdjeti 900 million teńge bolatyn “Áliia” kórkem filmin qarjylandyrý máselesine qatysty aqparatty joqqa shyǵardy.
Maýsym aiynda filmmen jumys isteitin top Ulttyq kinematografiiany qoldaý memlekettik ortalyǵy uiymdastyrǵan pitching is-sharasyna qatysyp, filmniń stsenariin tanystyryp, memlekettik qoldaýǵa ótinish bildirdi. Vedomstvoaralyq komissiia otyrysynyń qorytyndysy boiynsha 18 joba, onyń ishinde "Áliia" filmi qarjylandyrýǵa usynyldy.
Ministr Aida Balaeva kinokompaniia memleket qarjysy qisynsyz jumsalmas úshin baiqaýǵa qatysýdy ýaqytsha toqtatý týraly sheshimge kelgenin túsindirdi.
"Bul sheshim jobany keiinge shegerýdiń joǵary qaýpimen bailanysty boldy. Óitkeni túsirilimniń negizgi bóligi Belarýs Respýblikasynyń aýmaǵynda josparlanǵan edi. Áskeri qimyldardy sonda túsirý josparda bar. Belarýs memleketi basqa jobalardyń, negizinen reseilik jobalardyń júktemesine bailanysty qajet tabiǵi alańdardy usyna almaidy. Sol sebepti tabiǵi jerler men dekoratsiialardy qoldaný kestesin kelise almady. Keiin jobanyń merzimin ótkizip alý jáne ýaqytynda aiaqtai almaý qaýpi týyndady", – deidi Aida Balaeva.
Nátijesinde Shyǵys Qazaqstan oblysyndaǵy olardyń tolyq aýqymdy alańdaryn qaita qurý týraly sheshim qabyldandy. Osylaisha túsirilim sapasyn saqtap qana qoimai, filmniń ýaqytynda aiaqtalýyn qamtamasyz etemiz deidi ministr.
"Filmniń jalpy biýdjeti 900 million teńgeden asady, onyń 450 million teńgesi jeke investitsiia. Kinokompaniia qalǵan somany memlekettik biýdjetten alýdy josparlady. Jobany qarjylandyrýda eshqandai másele joq", – deidi Balaeva.
