Memleket basshysy Qasym-Jomart Toqaevtyń «Halyq birligi jáne júieli reformalar — el órkendeýiniń berik negizi» Joldaýyn iske asyrý aiasynda Aqparat jáne qoǵamdyq damý ministri Aida Balaeva jumys saparymen Batys Qazaqstan oblysyna bardy, dep habarlaidy "Ult aqparat".
Ákimdik aktivimen kezdesýde ministr memleket pen qoǵamnyń damýy ortalyq memlekettik jáne jergilikti atqarýshy organdardyń azamattyq qoǵammen, ǵylymi jáne shyǵarmashylyq intelligentsiiamen, jastarmen tiimdi ózara is-qimylyna tikelei bailanysty ekenin atap ótti.
Sonymen qatar, A.Balaeva Ministrlik pen oblys ákimdiginiń birlesken jumysynyń negizgi baǵyttaryna basa nazar aýdaryp, óńirdiń qoǵamdyq-saiasi jaǵdaiy salasyndaǵy ózekti máselelerdi atap ótip, jumysty odan ári jalǵastyrý boiynsha usynystar berdi.
Sapar baǵdarlamasynyń mańyzdy bóligi ministrdiń Oblys Qoǵamdyq keńesiniń múshelerimen jáne shyǵarmashylyq ziialy qaýym ókilderimen kezdesýleri boldy. Atalǵan kezdesýler barysynda aǵymdaǵy jyldyń qańtar aiynda «Qoǵamdyq keńester týraly» Zańǵa engizilgen zańnamalyq túzetýlerdi iske asyrý, sondai-aq «Rýhani jańǵyrý» baǵdarlamasynyń jol kartasyn iske asyrý siiaqty mańyzdy máseleler talqylandy.
Sonymen qatar, jumys sapary aiasynda A.Balaeva oblystyń belsendi jastarymen kezdesip, Mahambet ýniversitetiniń, Oqýshylar saraiynyń jumysymen tanysyp, «Atameken» óner ordasynyń» saltanatty ashylýyna qatysty.
