Aqparat jáne qoǵamdyq damý ministri Aida Balaeva otandyq BAQ salasyn damytý máselelerine arnalǵan dóńgelek ústel jiynynda Ulttyq jospar aiasynda otandyq aqparat keńistigin damytýdyń bir baǵyty retinde adami kapitaldy damytýdy atady.
– Eń aldymen bul kadrlardy daiarlaý júiesine qatysty másele. Bul jerde áńgime kadr sapasyna baǵa berýde emes, jańa da jasampaz jol izdep, deńgeiin kóterýde. Jasyratyny joq, dál qazirgi kezde bizde ekonomika, meditsina, qarjy júiesi jáne taǵy da basqa kúrdeli taqyryptardy alyp júretin bilikti jýrnalister joq. Redaktsiialar mundai mindetti jalpy tájiribesi bar mamandarǵa júkteýge májbúr. Nátijesinde, sapasyz kontent, qate aqparat tarap jatady. Sondyqtan da bul máselelerdi sheshýde Ulttyq jospar aiasynda qurylatyn mýltimediialyq bilim berý tuǵyrnamasy úlken rol atqaratyn bolady, – dedi Aida Balaeva.
Ministr osynyń ishinde jas mamandarǵa arnalǵan granttyq baǵdarlamalardy erekshe atap ótti. Ony ázirleýge jáne iske asyrýǵa jýrnalistika jáne bilim berý salasyndaǵy jetekshi sarapshylar tartylmaq.
