Aqparat jáne qoǵamdyq damý ministri Aida Balaeva «QR-da beibit jinalystardy uiymdastyrý jáne ótkizý tártibi týraly» zań jobasynyń ázirlenýine belsendi atsalysqan depýtattar men azamattyq qoǵam ókilderine alǵysyn bildirdi, dep habarlaidy "Ult aqparat".
«Parlament Májilisiniń depýtattary maquldaǵan «QR-da beibit jinalystardy uiymdastyrý jáne ótkizý tártibi týraly» zań jobasy – Prezidenttiń saiasi reformalary paketindegi basty bastamalardyń biri. Beibit jinalystardy ótkizý erkindigi bizdiń eldiń Konstitýtsiiasymen bekitilgen. Bul quqyq – demokratiialyq qoǵamnyń negizgi elementteriniń biri. Zań jobasy ártúrli qoǵamdyq alańda talqylanyp, jumys tobynyń otyrysy kóp jerde ótti. Parlamentte ÚEU ókilderiniń, ǵalymdar men sarapshylardyń qatysýymen ashyq túrde jáne keńinen talqylandy», - dedi Aida Balaeva zań jobasyna qatysty bildirgen pikirinde.
Ministr zań jobasynyń ashyq talqylaýdyń arqasynda Parlament Májilisi men Senaty qabyrǵasynda zań jobasy edáýir kontseptýaldyq ózgeristerge ushyraǵanyn aityp ótti.
«Maquldanǵan jobalar halyqaralyq úzdik tájiribelermen birge, bizdiń qoǵamnyń talaby men suranysyna sai keledi. Zań jobasynyń ázirlenýine belsendi atsalysqan depýtattar men azamattyq qoǵam ókilderine, Ulttyq qoǵamdyq senim keńesine alǵysymdy bildiremin», - dedi ministr.
Eske sala ketsek, Májilis depýtattary búgin «QR-da beibit jinalystardy uiymdastyrý jáne ótkizý tártibi týraly» zań jobasyna Parlament Senaty engizgen ózgerister men tolyqtyrýlardy qoldap, daýys bergen bolatyn.
