Búgin QR Aqparat jáne qoǵamdyq damý ministri Aida Balaevanyń kezekti qoǵamdyq qabyldaýy bolyp ótti, dep habarlaidy "Ult aqparat" ministrliktiń Telegram arnasyna silteme jasap.
Qoǵamdyq qabyldaýǵa elimizdegi birneshe memlekettik emes BAQ jetekshileri qatysyp, oi-pikirlerin, usynys-tilekterin ortaǵa saldy. Máselen, «Dombyra», «Týrizm KZ» jáne Turkway telearnalarynyń basshylary taqyryptyq, jekemenshik arnalardy da damytý jáne olarǵa memlekettik qoldaý qajettiligin sóz etse, jekemenshik basylym jetekshisi Meiramkúl Rahymbaeva qazaq tilindegi baspasózdi damytý jáne taratý máselesi boiynsha óz oilaryn jetkizdi.
Ministr, óz kezeginde bul máselelerdi jaqsy biletindigin jáne ministrlik tarapynan josparly túrde is-sharalar atqarylyp jatqandyǵyn tilge tiek etti.
«Jekemenshik, shaǵyn, buqaralyq aqparat quraldarynyń da qoǵamdaǵy róli erekshe. Sondyqtan biz barynsha qoldaý kórsetýge ázirmiz. Memlekettik tapsyrys boiynsha teleónimder jasaýǵa keler jyldyń josparyna óz usynystaryn olar da bildirýge bolady»-dedi ministr.
