Aida Balaeva Aqparat jáne qoǵamdyq damý ministri bolyp taǵaiyndaldy, dep habarlaidy "Ult aqparat".
«Aida Ǵalymqyzy Balaeva Qazaqstan Respýblikasynyń Aqparat jáne qoǵamdyq damý ministri bolyp taǵaiyndalsyn», - delingen Aqorda saitynda jariialanǵan Memleket basshysy Qasym-Jomart Toqaevtyń Jarlyǵynda.
Buǵan deiin A.Balaeva Prezident kómekshisi – Prezident Ákimshiliginiń Ótinishterdi qaraýdy baqylaý bóliminiń meńgerýshisi qyzmetinen bosatylǵanyn habarlaǵan bolatynbyz.
Aida Ǵalymqyzy Balaeva 1974 jyly dúniege kelgen.
2000 jyly Abai atyndaǵy Almaty memlekettik ýniversitetin, 2007 jyly Qazaq ulttyq agrarlyq ýniversitetin bitirgen.
1999-2002 jyldary – Almaty oblystyq aqparat jáne qoǵamdyq kelisim basqarmasynyń jetekshi mamany, bas mamany, bólim bastyǵy.
2002-2004 jyldary – Almaty qalalyq aqparat jáne qoǵamdyq kelisim basqarmasynyń taldaý jáne qoǵamdyq-saiasi úrdisterdi úilestirý bóliminiń bastyǵy.
2004 jylǵy qańtar men qyrkúiek aralyǵynda – Almaty qalasy boiynsha aqparat basqarmasynyń taldaý jáne boljaý bóliminiń bastyǵy.
2004-2005 jyldary – Almaty qalasy boiynsha aqparat basqarmasy bastyǵynyń orynbasary.
2005-2006 jyldary – Almaty qalasynyń ishki saiasat departamenti direktorynyń orynbasary.
2006-2008 jyldary – Almaty qalasynyń ishki saiasat departamentiniń direktory.
2008-2010 jyldary – Astana qalasynyń ishki saiasat basqarmasynyń bastyǵy.
2010-2014 jyldary – Astana qalasy ákiminiń orynbasary.
2014-2019 jyldary – Qazaqstan Respýblikasy Prezidenti Ákimshiliginiń ishki saiasat bóliminiń meńgerýshisi.
2019 jylǵy 22 shildede Memleket basshysynyń Jarlyǵymen Qazaqstan Respýblikasy Prezidentiniń kómekshisi – Qazaqstan Respýblikasy Prezidenti Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaiyndaldy.
«Qurmet» ordenimen (2010), 2 medalmen marapattalǵan.
Áleýmettik ǵylymdar kandidaty.
