Foto: QR DSM
Qazaqstanda densaýlyq saqtaý salasyn tsifrlandyrý jańa kezeńge ótti. Densaýlyq saqtaý ministrligi men «Qazaqtelekom» AQ strategiialyq áriptestik ornatyp, innovatsiialyq meditsinalyq jobalardy keń aýqymda engizý týraly Memorandýmǵa qol qoidy, dep habarlaidy Ult.kz.
Bul seriktestik azamattarǵa kórsetiletin meditsinalyq kómektiń qoljetimdiligi men qaýipsizdigin arttyrýǵa baǵyttalǵan.
Yntymaqtastyq sheńberinde birqatar ozyq tehnologiialardy engizý josparlanǵan:
-
Telemeditsinalyq mobildi keshender – shalǵai aýyldarda diagnostikalyq tekserý men onlain-konsýltatsiia ótkizýge múmkindik beredi. Keshen qandaǵy gliýkoza, qysym, impýls, temperatýra syndy negizgi kórsetkishterdi ólsheitin quraldarmen jabdyqtalady.
-
«AI-terapevt» jobasy – jasandy intellekt kómegimen bastapqy diagnoz qoiýda joǵary dáldik kórsetip, dárigerlerdiń júktemesin 40%-ǵa deiin azaitady. Joba Kókshetaýda synaqtan ótip jatyr.
-
Smart-beinejetondar – jedel járdem qyzmetkerleriniń qaýipsizdigin arttyrady. Qurylǵyda dabyl túimesi men beinejazba múmkindigi bar.
-
Sýyq tizbek pen meditsinalyq jabdyqty qashyqtan baqylaý júiesi – vaktsinalardyń búlinýine jol bermei, jabdyqtyń turaqty jumysyn qamtamasyz etedi.
Pilottyq jobalar Astana, Almaty, Kókshetaý jáne Qaraǵandy oblysynda júzege asyrylyp, tiimdiligin dáleldegen. Endi bul sheshimder respýblikalyq deńgeide engizilmek.
Mamandardyń aitýynsha, bul bastama meditsinalyq qyzmet sapasyn arttyryp qana qoimai, meditsina qyzmetkerleriniń jumysyn jeńildetip, turǵyndardyń densaýlyǵyn ýaqytyly qorǵaýǵa múmkindik beredi.
