Búgin elordada BAQ ókilderine arnaiy baspasóz týryn ótkizgen «QazMunaiGaz ónimderi» JShS-nyń damý jónindegi basqarýshy direktory Baqytjan Tasanbaev AI-92 markaly benzin baǵasyna qatysty pikirin bildirdi, dep habarlaidy Ult.kz tilshisi QazAqparat agenttigine silteme jasap.
Onyń atap ótýinshe, qazirgi ýaqytta AI-92 markaly benzinniń baǵasy 157 teńgeni quraidy. Bul ortasha teńgerimdelgen ózindik qun boiynsha baǵa sanalady.
«Biz kúndelikti saraptama jasap otyrmyz jáne qazaqstandyq, sonymen qatar importtyq munai ónimderiniń túsýine bailanysty baǵany túzetip otyramyz. Reseilik munai ónimderiniń úlken kólemin jetkizý qajettigine bailanysty qazaqstandyq jáne reseilik ónimderiniń araqatynasyna bailanysty túzetý oryn alýy múmkin. Eń joǵary shegin shektei almaimyz. Óitkeni, baǵany eshkim de rettemeidi. Menińshe shekten tys joǵary baǵa bolmaýy tiis», - dedi ol BAQ ókilderiniń saýalyna orai.
Onyń paiymynsha, qysqa merzimdi keleshekte baǵa joǵarylaityn bolady. Buǵan qosa, benzin baǵasynyń tómendeýi de múmkin ekendigin joqqa shyǵarýǵa bolmaidy. Basqarýshy direktordyń málimetterine sáikes, qazirgi ýaqytta «QazMunaiGazdyń» janarmai quiý beketterinde 8-10 myń tonna munai ónimderi bar. Qazaqstan boiynsha AI-92 benzininiń 12 myń tonnasy jolda kele jatyr. Buǵan qosa, qazirgi ýaqytta elimizdegi munai zaýyttarynyń birinde jóndeý jumystarynyń júrgizilip jatqanyn jáne importtyń qajet ekendigin eskere otyryp, «QazMunaiGaz ónimderi» reseilik benzinniń 45 myń tonnasyn importtaý týraly kelisimge kelip te qoiǵan.
«Pavlodar munai-himiia zaýyty iske qosylǵannan keiin munai ónimderin óndirý kólemi artyp, reseilik benzinniń úlesi tómen bolady. Sondyqtan barlyǵy da oryn alýy múmkin», - dedi ol AI-92 markaly benzininiń baǵasy tómendeýi múmkin degen oiyn jalǵastyra kele.
