QR Aýyl sharýashylyǵy ministrliginiń QR Sybailas jemqorlyqqa qarsy is-qimyl agenttigi júrgizip jatqan tergeýlerge qatysty málimdeme jasady, dep habarlaidy "Ult aqparat" vedomstvonyń baspasóz qyzmetine silteme jasap.
Qazirgi ýaqytta Memleket basshysynyń tapsyrmasyna sáikes, QR Aýyl sharýashylyǵy ministrligi sýbsidiialaý tetikterin jetildirý boiynsha jumys júrgizýde.
QR Sybailas jemqorlyqqa qarsy is-qimyl agenttigimen jáne aýyl sharýashylyǵy taýaryn óndirýshilerimen birlesip, anyqtalǵan problemalardy júieli túrde qaraityn jáne sheshý joldaryn ázirleitin arnaiy jumys toby quryldy.
2021 jylǵy 9 tamyz ben 20 qyrkúiek aralyǵynda sybailas jemqorlyq táýekelderine syrtqy taldaý júrgizildi. Tekserý merzimi eki ret 30 qyrkúiekke deiin jáne 15 qazanǵa deiin uzartyldy.
Tekserý júrgizý kezinde salany sýbsidiialaý boiynsha qoldanystaǵy normativtik quqyqtyq aktilerge taldaý jasaldy, oryn alǵan olqylyqtar men kemshilikterdi joiý boiynsha naqty usynystar ázirlendi.
Aýyl sharýashylyǵyn sýbsidiialaýdyń jańa tásilderi ázirlendi.
Olar sýbsidiialaý baǵyttaryn ońtailandyrýdy jáne olardyń tetikterin jeńildetýdi kózdeidi. Budan basqa, sharýashylyq júrgizýdiń mólsheri men nysandaryna qaramastan, barlyq sýbektiler úshin memlekettik qoldaý sharalarynyń teń qoljetimdiligi qamtamasyz etiletin bolady. Budan bólek, sýbsidiia alýshylardyń naqty indikativtik kórsetkishtermen túpkilikti nátijelerge qol jetkizý boiynsha qarsy mindettemeler alýy arqyly olardyń jaýapkershiligin arttyratyn normalar engiziletin bolady.
Sonymen qatar, asyl tuqymdy mal sharýashylyǵynyń zańnamalyq bazasyn odan ári jetildirý, oǵan sybailas jemqorlyq quqyq buzýshylyqtaryn boldyrmaityn qajetti ózgerister men tolyqtyrýlar engizý arqyly jumys júrgizilýde. Tiisti zań jobasy qazir QR Parlamenti Májilisinde qarastyrylýda.
Adami faktordyń bul protsesterge áserin boldyrmaý maqsatynda janýarlardy esepke alý jáne janýarlar týraly aqparatty AShJB (aýyl sharýashylyǵy janýarlaryn birdeilendirý)derekqoryna berý protsesterin avtomattandyrý boiynsha veterinariia salasynyń qyzmetin tsifrlyq formatqa kóshirý josparlanýda.
Jalpy, sýbsidiialaý tetikterin jetildirý boiynsha usynylatyn sharalar barlyq múddeli memlekettik organdarmeen jáne uiymdarmen, aýyl sharýashylyǵy taýarlaryn óndirýshilermen talqylanatyn bolady jáne sybailas jemqorlyqqa qarsy qatań saraptamadan ótedi. Bul salanyń damýyna jáne Prezident qoiǵan mindetterdiń oryndalýyna yqpal etetin aýyl sharýashylyǵyn sýbsidiialaýdyń tiimdi júiesin qurýǵa múmkindik beredi.
