قر اۋىل شارۋاشىلىعى مينيسترلٸگٸنٸڭ قر سىبايلاس جەمقورلىققا قارسى ٸس-قيمىل اگەنتتٸگٸ جٷرگٸزٸپ جاتقان تەرگەۋلەرگە قاتىستى مەلٸمدەمە جاسادى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
قازٸرگٸ ۋاقىتتا مەملەكەت باسشىسىنىڭ تاپسىرماسىنا سەيكەس, قر اۋىل شارۋاشىلىعى مينيسترلٸگٸ سۋبسيدييالاۋ تەتٸكتەرٸن جەتٸلدٸرۋ بويىنشا جۇمىس جٷرگٸزۋدە.
قر سىبايلاس جەمقورلىققا قارسى ٸس-قيمىل اگەنتتٸگٸمەن جەنە اۋىل شارۋاشىلىعى تاۋارىن ٶندٸرۋشٸلەرٸمەن بٸرلەسٸپ, انىقتالعان پروبلەمالاردى جٷيەلٸ تٷردە قارايتىن جەنە شەشۋ جولدارىن ەزٸرلەيتٸن ارنايى جۇمىس توبى قۇرىلدى.
2021 جىلعى 9 تامىز بەن 20 قىركٷيەك ارالىعىندا سىبايلاس جەمقورلىق تەۋەكەلدەرٸنە سىرتقى تالداۋ جٷرگٸزٸلدٸ. تەكسەرۋ مەرزٸمٸ ەكٸ رەت 30 قىركٷيەككە دەيٸن جەنە 15 قازانعا دەيٸن ۇزارتىلدى.
تەكسەرۋ جٷرگٸزۋ كەزٸندە سالانى سۋبسيدييالاۋ بويىنشا قولدانىستاعى نورماتيۆتٸك قۇقىقتىق اكتٸلەرگە تالداۋ جاسالدى, ورىن العان ولقىلىقتار مەن كەمشٸلٸكتەردٸ جويۋ بويىنشا ناقتى ۇسىنىستار ەزٸرلەندٸ.
اۋىل شارۋاشىلىعىن سۋبسيدييالاۋدىڭ جاڭا تەسٸلدەرٸ ەزٸرلەندٸ.
ولار سۋبسيدييالاۋ باعىتتارىن وڭتايلاندىرۋدى جەنە ولاردىڭ تەتٸكتەرٸن جەڭٸلدەتۋدٸ كٶزدەيدٸ. بۇدان باسقا, شارۋاشىلىق جٷرگٸزۋدٸڭ مٶلشەرٸ مەن نىساندارىنا قاراماستان, بارلىق سۋبەكتٸلەر ٷشٸن مەملەكەتتٸك قولداۋ شارالارىنىڭ تەڭ قولجەتٸمدٸلٸگٸ قامتاماسىز ەتٸلەتٸن بولادى. بۇدان بٶلەك, سۋبسيدييا الۋشىلاردىڭ ناقتى ينديكاتيۆتٸك كٶرسەتكٸشتەرمەن تٷپكٸلٸكتٸ نەتيجەلەرگە قول جەتكٸزۋ بويىنشا قارسى مٸندەتتەمەلەر الۋى ارقىلى ولاردىڭ جاۋاپكەرشٸلٸگٸن ارتتىراتىن نورمالار ەنگٸزٸلەتٸن بولادى.
سونىمەن قاتار, اسىل تۇقىمدى مال شارۋاشىلىعىنىڭ زاڭنامالىق بازاسىن ودان ەرٸ جەتٸلدٸرۋ, وعان سىبايلاس جەمقورلىق قۇقىق بۇزۋشىلىقتارىن بولدىرمايتىن قاجەتتٸ ٶزگەرٸستەر مەن تولىقتىرۋلار ەنگٸزۋ ارقىلى جۇمىس جٷرگٸزٸلۋدە. تيٸستٸ زاڭ جوباسى قازٸر قر پارلامەنتٸ مەجٸلٸسٸندە قاراستىرىلۋدا.
ادامي فاكتوردىڭ بۇل پروتسەستەرگە ەسەرٸن بولدىرماۋ ماقساتىندا جانۋارلاردى ەسەپكە الۋ جەنە جانۋارلار تۋرالى اقپاراتتى اشجب (اۋىل شارۋاشىلىعى جانۋارلارىن بٸردەيلەندٸرۋ)دەرەكقورىنا بەرۋ پروتسەستەرٸن اۆتوماتتاندىرۋ بويىنشا ۆەتەرينارييا سالاسىنىڭ قىزمەتٸن تسيفرلىق فورماتقا كٶشٸرۋ جوسپارلانۋدا.
جالپى, سۋبسيدييالاۋ تەتٸكتەرٸن جەتٸلدٸرۋ بويىنشا ۇسىنىلاتىن شارالار بارلىق مٷددەلٸ مەملەكەتتٸك ورگاندارمەەن جەنە ۇيىمدارمەن, اۋىل شارۋاشىلىعى تاۋارلارىن ٶندٸرۋشٸلەرمەن تالقىلاناتىن بولادى جەنە سىبايلاس جەمقورلىققا قارسى قاتاڭ ساراپتامادان ٶتەدٸ. بۇل سالانىڭ دامۋىنا جەنە پرەزيدەنت قويعان مٸندەتتەردٸڭ ورىندالۋىنا ىقپال ەتەتٸن اۋىل شارۋاشىلىعىن سۋبسيدييالاۋدىڭ تيٸمدٸ جٷيەسٸن قۇرۋعا مٷمكٸندٸك بەرەدٸ.
