2025 jylǵa qarai aýyldyq aýmaqtardy damytý jónindegi nysanaly indikatorlarǵa qol jetkizýdi qamtamasyz etý qajet. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Ulttyq ekonomika ministrligi aýyldyq aýmaqtardy keshendi damytý jumysyn tiisti kórsetkishtermen jáne biryńǵai tásilmen úilestirýdi qamtamasyz etsin», - dedi Asqar Mamin.
Onyń atap ótýinshe, Aýyl sharýashylyǵy ministrligi «Báiterek» holdingimen jáne ákimdiktermen birlesip, aýyldyq jerlerde kredit qarajatyna qajettiliktiń artýyn eskere otyryp, agroónerkásiptik keshendi turaqty qarjylandyrýdy, barlyq josparlanǵan jobalardyń iske asyrylýyn qamtamasyz etýi tiis.
«Indýstriia, Energetika, Densaýlyq saqtaý, Bilim, Mádeniet ministrlikteri barlyq qajetti sharalardy qabyldap, 2025 jylǵa qarai aýyldyq aýmaqtardy damytý jónindegi nysanaly indikatorlarǵa qol jetkizýdi qamtamasyz etsin», - dedi Premer-Ministr.
