Qyzylorda oblysynyń aýyl sharýashylyǵy basqarmasynyń bastamasy boiynsha aýylsharýashylyq ónimderin, tuqymdardy, aýyl sharýashylyǵy tehnikalaryn, tyńaitqyshtardy, himiialyq zattardy satyp alýǵa, satýǵa nemese aiyrbastaýǵa jáne qyzmetterdi paidalanýǵa bolatyn «Agrobirja» internet-resýrsy qurylǵan.
Agrobirja jobalyq basqarý sheńberinde iske qosyldy. Aýyl sharýashylyǵy vitse-ministri Gúlmira Isaevanyń aitýynsha, Qyzylorda oblysynda Agrobirja qurý tájiribesi barlyq óńirlerge usynylady.
Qyzylorda oblysynyń aýyl sharýashylyǵy basqarmasynyń bastyǵy Baqyt Jahanovtyń aitýynsha, kóbinese taýar óndirýshiler naryqqa tikelei qol jetkize almaidy. Óndirilgen taýarlardy qaida, kimge jáne qai baǵada satylatyndyǵynyń belgisizdigi tek aimaqta ǵana emes, respýblikada da sheshilmegen problemalardyń biri bolyp tabylady.
«Azyq-túlik taýarlary baǵasynyń ósýine yqpal etetin faktorlardyń biri – deldaldardyń kóptigi ekeni eshkimge jasyryn emes, sarapshylardyń pikirinshe olar 65-85% quraidy. Bul burmalanǵan baǵa men baǵany negizsiz kóterýge alyp keledi, al taýar óndirýshilerdiń ózi az paidaǵa qanaǵat etedi. Osy maqsatta biz «Agrobirja» aýylsharýashylyq ónimderiniń saýdasyna arnalǵan elektrondy platforma qurdyq. Ol satylym naryǵyn keńeitýge, satyp alýshy men satýshy arasyndaǵy tikelei bailanystardy ornatýǵa, eksporttyq operatsiialardy arttyrýǵa múmkindik beredi», - deidi Bahyt Jahanov.
Esterińizge salaiyq, www.agrosauda.kz veb-saityndaǵy aqparat qazaq, orys, aǵylshyn jáne qytai tilderinde usynylǵan. Bolashaqta oǵan parsy tilin de qosý josparlanýda. Aita keteiik, qyzylordalyq agrarlar óz ónimderin eksporttaityn elderdiń biri – Iran.
Qazirgi ýaqytta internet-resýrstaryn jetildirý jumystary jalǵasýda, jaqyn arada «Agrobirja» mobildi qosymshasy iske qosylatyn bolady.
