Agrarshylarǵa arzandatylǵan dizel otyny bekitilgen kestege sáikes jetkizilip jatyr. Bul týraly QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
«Biyl aqpan-maýsym kezeńine egis jumystaryn júrgizýge 400 myń tonna kóleminde dizel otyny bólindi. Bul ótken jylmen salystyrǵanda 20 myń tonnaǵa artyq. Jetkizý, saqtaý jáne satý boiynsha oblys operatorlarynyń shyǵystaryn eskere otyryp, aýyl sharýashylyǵy taýaryn óndirýshiler úshin ortasha baǵa litrine 200 teńgeni quraidy. Al naryqtaǵy baǵa litrine 230 teńgege deiin jetedi. Bul - ortasha alǵanda naryqtaǵy baǵadan 15 paiyzǵa arzan. Qazirgi ýaqytta bekitilgen kestege sáikes agrarshylarǵa dizel otyn jóneltý júzege asyp jatyr», - dedi ministr ortalyq kommýnikatsiialar qyzmetindegi baspasóz máslihatynda.
Onyń atap ótýinshe, tuqym sebý jospary 100 paiyz júzege asyryldy.
Saraptamaǵa 1,5 mln tonna jazdyq daqyldar tuqymy kelip tústi. Onyń 1,3 mln tonnasy nemese 90 paiyzy tekserildi.
«Sońǵy bes jylda tuqym óndirýshilerdi egis tehnikasymen qamtamasyz etý 70-ten 89,4 paiyzǵa deiin, egin jinaý tehnikasymen 80-nen 92 paiyzǵa deiin, tuqym tazalaý tehnikasymen 63-ten 81,4 paiyzǵa deiin óskenin atap ótken jón», - dedi Erbol Qarashókeev.
