Ǵalymdar óziniń ǵylymi jumystaryna syiaqy alýy kerek. Bul týraly onlain-konferentsiiada «Aýyl» partiiasy tóraǵasynyń birinshi orynbasary Tóleýtai Rahymbekov málim etti, dep habarlaidy QazAqparat.
«Kommertsiialandyrý – bul termin qazirgi kezde bizdiń qoǵamdyq ómirimizde óziniń naqty ornyn alyp otyr. Kommertsiialandyrýdyń qajet ekenine daý joq, alaida sózden iske kóshý úshin biraz sharýany eńserý kerek. Kommertsiialandyrýdyń ishindegi eń basty tetikteriniń biri – ol «roialti júiesi», - dedi T. Rahymbekov AÓK salasynda ǵylymi jetistikterdi kommertsiialandyrý taqyrybyndaǵy konferentsiiada.
Osy oraida ol qazirgi kezde án men basqa da shyǵarmalardyń avtorlaryna «avtorlyq syiaqy» tetigi belsendi paidalanylyp kele jatqanyn eske saldy.
«Dál osyndai qadam ǵylymda da eskerilgen, iaǵni ǵalym óziniń ǵylymi jumysyn paidalaný nátijesinen syiaqy alýy kerek. Agrarlyq ǵylymi- bilim berý ortalyǵy júiesinde 2009 jyly alǵashqy ońtaily tájiribe paida bolyp, sol kezde Baraev atyndaǵy ǵylymi-óndiristik ortalyq bazasynda 32 shart bekitilip, aýyl sharýashylyǵy taýarlaryn óndirýshiler 108 mln teńge tólegen edi. Bul shamamen aýyl sharýashylyǵy taýarlaryn óndirýshiler sytyp alǵan tuqym qunynyń 1-1,5 paiyzy shamasynda», - dedi T. Rahymbekov.
Onyń sózine qaraǵanda, zańnama boiynsha atalǵan somanyń 30 paiyzy tikelei ǵalymdarǵa, iaǵni suryptardyń, tuqym men tehnologiia avtorlaryna baǵyttalýy tiis.
«Nátijesinde, osy ǵylymi-óndiristik ortalyq ǵalymdaryna 32 mln teńgeden astam tólendi», - dedi ol.
