QR Sybailas jemqorlyqqa qarsy is-qimyl agenttigi qylmys jasaǵan 65 kúdiktini izdeýge jariialady.
Bul týraly atalǵan agenttik tóraǵasynyń birinshi orynbasary Oljas Bektenov málim etti, dep habarlaidy QazAqparat.
«Jalpy, sybailas jemqorlyqqa qarsy qyzmet búginde 65 qylmyskerdi izdestirip jatyr. Sybailas jemqorlyqqa qatysty bul adamdardyń arasynda 33-i shetelde jasyrynyp júr», - dedi O. Bektenov Ortalyq kommýnikatsialar qyzmetinde.
Budan buryn habarlanǵandai, Qazaqstan Eýropa keńesiniń Sybailas jemqorlyqqa qarsy memleketter toby (GREKO) bastamasyna qosyldy.
GREKO-ǵa qosylý Eýropa Keńesiniń sybailas jemqorlyq úshin qylmystyq jaýapkershilik týraly konventsiiasyn ratifikatsiialaýǵa jol ashady. Bul óz kezeginde qylmyskerlerdi ekstraditsiialaý, olardyń zańsyz tapqan múlkin qaitarý máseleleri boiynsha Eýropa elderimen yntymaqtastyqty kúsheitýge múmkindik beredi.
