قر سىبايلاس جەمقورلىققا قارسى ٸس-قيمىل اگەنتتٸگٸ قىلمىس جاساعان 65 كٷدٸكتٸنٸ ٸزدەۋگە جارييالادى.
بۇل تۋرالى اتالعان اگەنتتٸك تٶراعاسىنىڭ بٸرٸنشٸ ورىنباسارى ولجاس بەكتەنوۆ مەلٸم ەتتٸ, دەپ حابارلايدى قازاقپارات.
«جالپى, سىبايلاس جەمقورلىققا قارسى قىزمەت بٷگٸندە 65 قىلمىسكەردٸ ٸزدەستٸرٸپ جاتىر. سىبايلاس جەمقورلىققا قاتىستى بۇل ادامداردىڭ اراسىندا 33-ٸ شەتەلدە جاسىرىنىپ جٷر», - دەدٸ و. بەكتەنوۆ ورتالىق كوممۋنيكاتسيالار قىزمەتٸندە.
بۇدان بۇرىن حابارلانعانداي, قازاقستان ەۋروپا كەڭەسٸنٸڭ سىبايلاس جەمقورلىققا قارسى مەملەكەتتەر توبى (گرەكو) باستاماسىنا قوسىلدى.
گرەكو-عا قوسىلۋ ەۋروپا كەڭەسٸنٸڭ سىبايلاس جەمقورلىق ٷشٸن قىلمىستىق جاۋاپكەرشٸلٸك تۋرالى كونۆەنتسيياسىن راتيفيكاتسييالاۋعا جول اشادى. بۇل ٶز كەزەگٸندە قىلمىسكەرلەردٸ ەكستراديتسييالاۋ, ولاردىڭ زاڭسىز تاپقان مٷلكٸن قايتارۋ مەسەلەلەرٸ بويىنشا ەۋروپا ەلدەرٸمەن ىنتىماقتاستىقتى كٷشەيتۋگە مٷمكٸندٸك بەرەدٸ.
