QR Básekelestikti qorǵaý jáne damytý agenttigi tóraǵasynyń birinshi orynbasary Rýstam Ahmetov taýarlyq gazdy bólshek saýdada ótkizý naryǵynda monopoliiasyzdandyrý protsesi bastalǵanyn aitty, dep habarlaidy QazAqparat.
«Taýarlyq gazdy tasymaldaý naryǵynda «Intergaz Ortalyq Aziia» AQ, «Aziialyq gaz qubyry» JShS jáne «Beineý Shymkent Gaz Qubyry» JShS magistraldyq gaz qubyrlary jáne «QazTransGaz Aimaq» AQ taratý jelileri boiynsha qyzmetter kórsetetin tabiǵi monopoliia sýbektileri bar. Munda tabiǵi monopoliialar sýbektileri («QazTransGaz Aimaq» AQ, «Beineý-Bozoi-Shymkent Gaz Qubyry» JShS) shyǵyndarynyń 35%-y gaz qubyrlaryn tehnikalyq paidalanýdy aýtsorsingke berý arqyly memlekettik tariftik retteýden shyǵaryldy. Nátijesinde, 2019 jyldan bastap 2021 jylǵa deiin osy jumystardyń quny 42,7%-ǵa ulǵaidy», - dedi R. Ahmetov Ortalyq kommýnikatsiialar qyzmetinde.
Onyń aitýynsha, taýarlyq gazdy bólshek saýdada ótkizý naryǵynda monopoliiasyzdandyrý protsesi bastaldy. Máselen, elimizdiń 6 óńirinde jeke operatorlardyń úlesi 15-20%-ǵa jetedi. Bólshek saýda operatory «QazTransGaz Aimaq» AQ-nyń ózi jumys kóleminiń shamamen 70%-yn syrtqy uiymdarǵa aýtsorsingke berdi.
«Alaida, «QazTransGaz Aimaq» AQ satyp alatyn bógde uiymdardyń qyzmetterine básekeles qoljetimdilik joq. Máselen, sońǵy 5 jylda syrtqy uiymdarǵa aýtsorsingke berilgen billing, kólik qyzmetteri jáne «QazTransGaz Aimaq» AQ-tyń ózge de qyzmetterin sol bir jetkizýshiler usynady. Mysaly, billing qyzmetterin birdei quryltaishysy bar 10 jetkizýshi usynady. Osylaisha, bólshek saýda operatory jumysynyń keminde 70%-yn aýtsorsingke berý faktileri, naryqta basqa bólshek operatorlardyń bolýy naryqtyń monopoliiasyzdanýyna jáne ulttyq operatordyń aktivterin jeke kompaniialarǵa berýge daiyn ekendigin bildiredi», - dedi agenttik ókili.
Onyń sózine qaraǵanda, buryn «QazTransGaz» AQ taýarlyq gazdy satyp alýǵa basym quqyq berýi el óńirlerin aýqymdy gazdandyrý qajettiligimen negizdeldi. Sonymen qatar, «Saryarqa» negizgi magistraldyq gaz qubyryn jáne «QazTransGaz Aimaq» AQ taratý jelilerin salýdy qarjylandyrýdyń negizgi kózderi kompaniianyń syrtqy naryqtarda taýarlyq gazdy ótkizýden (iaǵni basym quqyqty paidalanýdan) túsken kiristeri emes, iaǵni qaryz, biýdjet qarajaty men halyqqa qyzmet kórsetýden tariftik kiristeri bolyp otyr.
Sonymen qatar, ulttyq operator óziniń satyp alýlaryna jáne qurylys-montajdaý jumystarynyń básekeles naryǵyna qoljetimdilikti shekteidi.
