Sybailas jemqorlyqqa qarsy is-qimyl agenttigi kvazimemlekettik sektordaǵy jemqorlyq faktileri týraly aitty, dep habarlaidy "Ult aqparat" Agenttiktiń baspasóz qyzmetine silteme jasap.
«Qazirgi tańda enshiles kompaniialardy esepke almaǵanda barlyq oblysta jáne respýblikalyq mańyzy bar qalalarda jumys istep turǵan 58 sýbekt bar», - dedi agenttik tóraǵasynyń orynbasary Shyńǵys Qabdolla.
Onyń aitýynsha, kvazimemlekettik sektordaǵy qarjylyq ainalym 2019 jyly 33 trln teńgeden asyp, eldiń Jalpy ishki óniminiń 59,7 paiyzyn quraǵan. Osynshama qyrýar qarajat ainalymyna keibir basshylar men qyzmetkerler suǵyn qadaityn kórinedi
«Jumystyń kúrdeliligi mynada: atalǵan sektorda uiymdastyrýshy-taratýshy jáne ákimshilik sharýashylyqty atqaratyn uiym basshylarynyń ózi jemqorlyq sýbektisine ainalyp shyǵa keledi», - dedi ol.
Osyǵan bailanysty Sybailas jemqorlyqqa qarsy is-qimyl agenttigi qaita qurylar kezde jańa Departamentti ashý týraly sheshim qabyldanǵan. Onyń negizgi mindeti – kvazimemlekettik sektorda jemqorlyq qylmystarynyń jolyn kesý.
Spikerdiń habarlaýynsha, jyl basynan beri Agenttik atalmysh salada 132 qylmysty ashqan. Ol qylmystarǵa qatysty 69 adam qylmystyq jaýapkershilikke tartylyp, 103 is sotqa joldandy. Kóbinese atalmysh salada memlekettik baǵdarlamalardy iske asyrý men memlekettik satyp alýdy júzege asyrýda laýazymyn asyra paidalanyp, para alý jaǵdaiy jii kezdesedi.
