Kollaj: Tengrinews.kz
Keshe, 2 naýryzda aǵaiyndy Júginisovterdiń biri Muhamedáli úilený toiyn jasady, - dep habarlaidy Tengrinews.kz tilshisi.
Anasy Ainur Júginisova toidan video, sýretterdi Instagram-daǵy akkaýntyna júktep otyrdy. Sýretterge qarap qalyńdyqtyń esimi Medina ekenin kórýge bolady.
"Balalyqpen qoshtasyp,shańyraǵymyzǵa jylýy men nuryn shashyp kelgen, bala kelinim kelgen qadamyńa nur bitsin! Toi qazaqtyń qazynasy! Ár otbasyǵa toi men qýanysh kórýdi jazsyn. Juǵysty bolsyn", - dep jazdy Ainur Júginisova.
Toi qýanyshyn bólisýge Qazaqstannyń estrada juldyzdary Maqpal Júnisova, Qaraqat Ábildina, Qydyráli Bolmanov, Maira Iliiasova, Ulyqpan Joldasov, Altynai Jorabaeva keldi. Tanymal shoýmen Tursynbek Qabatov ta júr.
Qonaqqa kelgen ánshilerden án shashý boldy. Aǵasy Miras Júginisov te kishigirim kontsert uiymdastyryp, hit bolǵan ánderin oryndady.
Muhamedáli de qalys qalmai, Ed Sheeran-niń Perfect ánin oryndap, qalyńdyǵymen vals bileidi.
Videolarǵa qaraǵanda kúieý joldas pen qyz joldas joq ekenin kórýge bolady.
Sondai-aq, toida erekshe salt jasalǵan: toi kezinde Medina qonaqtardyń aldynda baýyrsaq pisirgen.
"Jan-jaqtan kelgen nárselerden arylyp, ózimizdiń dástúrdi jalǵastyraiyq degen nietpen jas kelin otqa mai quiyp, maidyń iisin shyǵaryp, úlken analaryna nan pisirip bersin degen nietpen osy úrdisti engizip jatyrmyz", - dedi Ainur Júginisova.
Byltyr qyrkúiekte Muhamedáli Júginisov otaý qurǵany belgili bolǵan edi. Onyń qalyńdyǵymen túsken sýreti Jelide taraǵan. Keiin Miras Júginisov te suhbatynda inisi úilengenin aitqan edi.
