Elbasymyz Nursultan Ábishuly Nazarbaev biylǵy dástúrli halyqqa arnaǵan Joldaýynda keler jyldy «Jastar jyly» dep bekitip, «Bolashaq urpaqty, óz eliniń naǵyz patriottaryn tárbielep ósirýde tabiǵatty saqtaýdyń jáne týǵan jerdi qurmetteýdiń mańyzdylyǵyn» erekshe atap ótken bolatyn.
Osy oraida, Arys qalasyndaǵy «Dendrosaiabaqta» qalalyq ishki saiasat bólimi men «Jastar resýrstyq ortalyǵy» KMM-niń uiymdastyrýymen 2019 jyl «Jastar jyly» aiasynda jáne 1 jeltoqsan – Qazaqstan Respýblikasynyń Tuńǵysh Prezidenti kúnine orai, «Aǵash ek, gúl ek – týǵan jerdi túlet» atty aǵash egý aktsiiasy ótti, dep habarlaidy "Ult aqparat" shahar basshysynyń baspasóz qyzmetine silteme jasap.
Aktsiia barysynda keler jyldyń mańyzdylyǵyn eskere otyryp, jastardyń bastamasymen 2019 túp aǵash kóshetterin otyrǵyzý jumystaryn bastap, shara barysynda án aityp, kóńildi qýantar ázilderimen qatar qalamyzdaǵy kolledj stýdentteri fleshmob uiymdastyrdy.
Mundai is-sharalar árbir adamnyń óz jerine adaldyq, týǵan jerge súiispenshilikpen qaraýymen qosa, óz ortasyn taza ustaýǵa úiretse kerek.
«Butaq jaiǵan aǵash qartaimaidy, urpaq jaiǵan adam qartaimaidy» degen naqyl sózdi ustanǵan qarttarymyz ben qala jastarymyzdyń belsendiligin kórsetken urpaqtar sabaqtastyǵy aiasyndaǵy mundai igi sharalar aldaǵy ýaqytta da jalǵasyn tabatyn bolady.
